الماتى وبلىسىنداعى جاڭا زاۋىت ءونىمى 20-عا جۋىق ەلگە ەكسپورتتالماق

كومبيناتقا مامان دايارلاۋعا ەرەكشە ءمان بەرىلىپ، باستوبەدەگى كوللەدجدە قازىردىڭ وزىندە ەلەكترومونتەر مەن ەلەكتر گاز دانەكەرلەۋشى كاسىپكە 48 مامان ارنايى وقىتىلىپ جاتىر. دۋالدى وقىتۋ اياسىندا كومبيناتتىڭ بازاسىندا تەحنيك- مەحانيكتەر مەن كوپىرلى كران وپەراتورلارىن قايتا دايارلاۋعا مۇمكىندىك جاسالادى.

«بۇگىن ءبىز ءبىرشاما جىل توقتاپ تۇرعان مەتاللۋرگيا كومبيناتىنىڭ قالپىنا كەلتىرىلىپ، قايتا ىسكە قوسىلعانىنا كۋا بولىپ وتىرمىز. جاڭا ينۆەستورلار كومبيناتتىڭ ەكىنشى تىنىسىن اشىپ، قىسقا مەرزىم ىشىندە جاڭعىرتۋدان وتكىزدى. كومبيناتقا قاجەتتى ماماندار وسى قاراتال اۋدانىنىڭ وزىندە دايىندالادى. جەرگىلىكتى ماماندار دايارلاۋ ءىسى باستالىپ تا كەتتى. وسى شارالاردىڭ بارلىعى پرەزيدەنتتىڭ ​ حالىقتىڭ ءال- اۋقاتىن ارتتىرۋ، تۇراقتى جۇمىس ورىندارىن اشۋ تۋرالى تاپسىرماسىن ورىنداۋ ماقساتىندا جۇزەگە اسىرىلىپ وتىر، - دەدى الماتى وبلىسىنىڭ اكىمى قانات بوزىمبايەۆ. ​زاۋىت قاراتال اۋدانىنىڭ جىلىبۇلاق اۋىلىنا تاياۋ جەردەگى «سارىكول» كەن ورنىنان الىناتىن جەلىلىك كۆارتس تۇرىندەگى شيكىزاتپەن ءوزىن قامتاماسىز ەتەدى. جالپى كرەمنيي الەمدە مەتاللۋرگيا سالاسىندا، سول سياقتى جوعارى دالدىكتەگى ەلەكتر قۇرىلعىلارى وندىرىسىندە پايدالانىلاتىندىقتان، ۇلكەن سۇرانىسقا يە. بۇل كومبيناتتا جىلىنا 6 مىڭ توننا مەتاللۋرگيا وندىرىلەدى. قازاقستاندىق مازمۇننىڭ ۇلەسى % 80 بولاتىن دايىن ونىمدەر 20 شاقتى ەلگە ەكسپورتتالماق.

الماتى وبلىسى اكىمىنىڭ باسپا ءسوز قىزمەتىنىڭ مالىمەتىنشە، وسى جوبانى ىسكە اسىرۋعا 3,9 ميلليارد تەڭگە ينۆەستيتسيا تارتىلىپ وتىر. كاسىپورىندا 200 ادام جۇمىس ىستەيتىن بولادى.

اۆتور: سامال قابىشيەۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى