يسپانيادا سوڭعى 20 جىلدا بولماعان قىس بولىپ جاتىر
بۇل ادەتتە قىسى جۇمساق يبەريا تۇبەگىندەگى سوڭعى 20 جىلداعى ەڭ سۋىق ءتۇن بولدى، دەپ حابارلايدى قازاقپارات BBC- گە سىلتەمە جاساپ.
بيلىك قارت ادامداردىڭ ەشقايدا شىقپاي، ۇيدە قالۋلارىن سۇرايدى. «فيلومەنا» قار تسيكلونى سالدارىنان قار كوپ جاۋعان جانە تروتۋارلار مەن جولدار مۇز قۇرسانىپ، كولىك پەن جاياۋ جۇرگىنشىلەرگە قاۋىپتى جاعداي تۋعىزعان.
سۋىقتان جەتى ادام قايتىس بولعان، ولاردىڭ ەكەۋى - بارسەلونادا ءۇي-كۇيى جوق ادامدار. قار تسيكلونى سالدارىنان ەلەكتر قۋاتى ءۇزىلىپ، قالا ماڭىنداعى پويىزدار جانە كوپتەگەن اۋە رەيستەرى توقتاپ قالعان. جاعداي بىرتىندەپ قالپىنا كەلۋدە.
