قىزىلوردا وبلىسىندا ءبىر جىلدا 20 مىڭعا جۋىق ءسابي دۇنيەگە كەلدى
بۇل الدىڭعى جىلدىڭ سايكەس كەزەڭىمەن سالىستىرعاندا 11,4 پايىزعا ارتىق، دەپ حابارلايدى قازاقپارات ءتىلشىسى.
قىزىلوردا وبلىسىندا 813,2 مىڭ ادام تۇرادى. ولاردىڭ اراسىندا قالادا 364,1 مىڭ، اۋىلدا 449,1 مىڭ ادام ءومىر سۇرەدى.
وتكەن جىلدىڭ 11 ايىندا وڭىرگە 22 مىڭ 884 ادام كوشىپ كەلسە، وزگە ايماققا 27 مىڭ 271 تۇرعىن قونىس اۋدارعان. الىس جانە جاقىن شەت ەلدەردەن 41 ادام قىزىلورداعا قونىس اۋدارعان. ال وزگە وبلىستاردان 6 مىڭ 477 ادام وبلىسقا كوشىپ كەلدى. وبلىستىڭ 16 مىڭنان استام تۇرعىنى وبلىس ىشىندە تۇرعىلىقتى ورنىن اۋىستىردى.
«بىلتىرعى جىلدىڭ 11 ايىندا 19 مىڭ 699 ءسابي دۇنيەگە كەلگەن. ول الدىڭعى جىلمەن سالىستىرعاندا 11,4 پايىزعا وسكەن. تۋۋدىڭ جالپى كوەففيتسيەنتى 1000 ادامعا 26,61 بالانى قۇرادى. وبلىستا 5 مىڭ 273 جۇپ نەكەلەسكەن. ونىڭ ىشىندە قازالى اۋدانىندا 516 جۇپ شاڭىراق كوتەرىپ، اۋداندار اراسىندا كوش باستاپ تۇر»، - دەدى وبلىستىق ستاتيستيكا دەپارتامەنتى.
