قاراعاندى تۇرعىنى بۇرىنعى سۇيىكتىسىنە 20 جەردەن پىشاق سالعان

«10-قازان كۇنى، ساعات شامامەن 22.59-دا 28 جاستاعى ايەل پىشاق جاراقاتىمەن وبلىستىق كلينيكالىق اۋرۋحاناعا جاتقىزىلدى. اتالمىش دەرەك تىركەلدى»، - دەپ ءمالىم ەتتى قاراعاندى وبلىسى پوليتسيا دەپارتامەنتىنەن.

الدىن الا بولجام بويىنشا، ايەل 23 جاستاعى جىگىتپەن ەكەۋارا جانجال كەزىندە جاراقات العان.

«ناۋقاس اۋرۋحاناعا اياقتارى جانە ارقاسىنا تيگەن كوپتەگەن پىشاق جاراقاتتارىمەن ءتۇستى. قازىر جاعدايى ءبىر قالىپتى»، - دەپ حابارلادى وبلىستىق دەنساۋلىق ساقتاۋ باسقارماسىنان.

بۇل قىلمىسقا ونىڭ بۇرىنعى جىگىتى باردى دەگەن بولجام بار. جبي شاعىن اۋدانىندا ول زارداپ شەككەن ايەلگە كەلىپ، اڭگىمەلەسۋگە شاقىرىپ العان. كەيىن بىرنەشە جەرىنەن پىشاق سالعان. قازىرگى تاڭدا قالا تۇرعىنىن ۇستاۋ بويىنشا شارالار قابىلدانۋدا. ازىرگە كۇدىكتىنىڭ ورنالاسقان جەرى انىقتالماعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى