قازاقستاندا قىتايدىڭ 20 ءىرى كومپانياسى جۇمىس ىستەيدى

بۇل وتكەن جىلدىڭ ءدال وسىنداي كورسەتكىشىنەن 11,8 پايىزعا كوپ، دەپ حابارلايدى قازاقپارات ءتىلشىسى.

Ranking.kz مالىمەتىنشە، ونىڭ 97,3 پايىزى نەمەسە 21,1 مىڭى - شاعىن، 1,5 پايىزى (325) - ورتا جانە 1,2 پايىزى (260) - ءىرى كومپانيا سانالادى. شەتەلدىك كومپانيالاردىڭ 8,6 مىڭى كوتەرمە جانە بولشەك ساۋدا سالاسىندا جۇمىس ىستەيدى. قۇرىلىس سالاسىندا 2,2 مىڭ، كاسىبي، عىلىمي جانە تەحنيكالىق قىزمەت سالاسىندا 1,6 مىڭ كومپانيا بار. قازاقستانداعى شەتەلدىك كومپانيالاردىڭ ەڭ كوبى - رەسەيلىك.

ايتالىق، وسى جىلدىڭ تامىز ايىن سوڭىندا قازاقستاندا رەسەيدىڭ 7040 كومپانياسى جۇمىس ىستەپ تۇردى. ولاردىڭ باسىم بولىگى (3061 كومپانيا) ساۋدا سالاسىندا قىزمەت كورسەتەدى. ەلىمىزدە تۇركيادان كەلگەن كاسىپورىندار دا از ەمەس. ونىڭ سانى - 2044. تۇرىك كومپانيالارى نەگىزىنەن ساۋدا، قۇرىلىس، وڭدەۋ ونەركاسىبى سالالارىندا قىزمەت كورسەتەدى.

ايتا كەتەرلىگى، قوناق ءۇي مەن تاماقتانۋ بويىنشا قىزمەت كورسەتۋ سالاسىندا تۇرىك كومپانيالارىنىڭ سانى (172 كاسىپورىن) باسىم. قازاقستاندا تىركەلگەن شەتەلدىك كومپانياسى بار ەلدىڭ قاتارىندا قىتاي دا بار. بۇل ەلدەن 1020 شاعىن، 16 ورتا جانە 20 ءىرى كومپانيا جۇمىس ىستەيدى.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى