ەلوردادا 20 دان استام ۆيرۋسولوگ كوروناۆيرۋس جۇقتىردى

بۇل تۋرالى نۇر-سۇلتان قالالىق قوعامدىق دەنساۋلىق ساقتاۋ باسقارماسىنىڭ باسشىسى ساۋلە قيسىقوۆا ءمالىم ەتتى، دەپ حابارلايدى قازاقپارات ءتىلشىسى.

«زەرتحانانىڭ 20 دان استام قىزمەتكەرى ىندەت جۇقتىردى. ولار كۇنى-ءتۇنى تاۋلىك بويى جۇمىس ىستەدى. ولار دا ادامدار، روبوت ەمەس، ۇنەمى ۆيرۋس وشاعىندا ءجۇر»، - دەدى ساۋلە قيسىقوۆا. ونىڭ سوزىنە قاراعاندا، بۇرىن قالادا ءبىر عانا زەرتحانا بولسا، قازىر كۇنىنە 5 مىڭعا دەيىن تەست وتكىزەتىن 8 زەرتحانا بار. 17-ماۋسىمداعى جاعداي بويىنشا، شامامەن 170 مىڭ تەست وتكىزىلدى. قازىر 40 مىڭنان استام تەست قولجەتىمدى. قوعامدىق دەنساۋلىق ساقتاۋ باسقارماسىنىڭ باستىعى پ ت ر- تەستىلەرى مەن وكپەنى جاساندى جەلدەتۋ اپپاراتتارىن ساتىپ الۋ، كوروناۆيرۋس جۇقتىرعاندار ءۇشىن جاڭا توسەك ورىندارىن قۇرۋ بويىنشا جۇمىستار جۇرگىزىلىپ جاتقانىن حابارلادى.

ايتا كەتەيىك، ەلوردادا بۇگىنگە دەيىن كوروناۆيرۋس ينفەكسياسى بارلىعى 2951 ادامنان انىقتالدى. ونىڭ ىشىندە جازىلعاندار سانى - 2055، قايتىس بولدى - 15 ناۋقاس.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى