ەلوردادا 20 - ساۋىردەن باستاپ جۇمىسى جانداناتىن كاسىپورىندار بەلگىلى بولدى
نۇر- سۇلتان قالاسىنىڭ اكىمى 20 - ساۋىردەن باستاپ ءتيىستى سەكتورلارداعى كاسىپورىنداردىڭ جۇمىسىن جالعاستىرۋدى ۇسىنعانىن اتاپ ءوتتى. بىرىنشىدەن، ونەركاسىپتىك جانە يندۋستريالىق كاسىپورىندار، ەكىنشىدەن، قۇرىلىس سالاسىنداعى كاسىپورىندار، ۇشىنشىدەن، قىستان كەيىن جولدار جوندەيتىن اسفال- بەتون زاۋىتتارى قامتىلماق.
«تورتىنشىدەن، زەينەتاقى مەن جاردەماقى بەرۋ ءۇشىن ەكىنشى دەڭگەيدەگى بانكتەر، ياعني ولار ساعات 16:00-گە دەيىن قىسقا جۇمىس كەستەسىمەن جۇمىس ىستەيدى»، - دەدى داۋرەن ابايەۆ تەلەارنا ارقىلى وتكەن ونلاين بريفينگ بارىسىندا.
بەسىنشىدەن، جەكە قوسالقى قىزمەت كورسەتۋ سەكتورىنىڭ كەيبىر ۇيىمدارى ەسكەرىلگەن. وسى ورايدا، حيميالىق تازالاۋ جانە كىر جۋاتىن ورىندار، دوڭگەلەك جوندەۋ، ارنايى تەحنيكالاردى جوندەۋ، كولىك جۋۋ ستانسالارى قاراستىرىلعان. بۇدان بولەك، قوعامدىق تاماقتانۋ ورنىنان تاماق جەتكىزۋ مۇمكىندىگىن تۇنگى ساعات 10:00-گە دەيىن ۇزارتۋ ۇسىنىلادى.
«وسىلايشا، بارلىق اتالعان كاسىپورىندار بويىنشا 100 مىڭعا جۋىق وبەكت جۇمىسىن جالعاستىرادى. بۇل نۇر- سۇلتان قالاسىنداعى جۇمىس ىستەيتىن حالىقتىڭ شامامەن 20 پايىزى»، - دەدى مينيستر. بۇدان بۇرىن حابارلانعانداي، داۋرەن ابايەۆ نۇر- سۇلتان مەن الماتى قالالارىندا اۋرۋ جۇعۋ قاۋپى ەڭ از دەگەن كاسىپورىندار ىسكە قوسىلاتىنىن ايتتى.
«وزدەرىڭىز بىلەسىزدەر، مەملەكەتتىك كوميسسيا شەشىمىمەن 20 - ساۋىردەن باستاپ نۇر- سۇلتان جانە الماتى قالالارىنداعى ءبىرقاتار ەكونوميكا سەكتورلارىنىڭ جۇمىسى قالپىنا كەلتىرىلەدى. ولاردىڭ ناقتى ءتىزىمى 15 - ساۋىردە بەلگىلى بولادى. ءبىراق ءبىز جۋرناليستەر مەن ازاماتتاردان كوپ سۇراق ءتۇسىپ جاتقاندىقتان، جۇمىسىن جالعاستىرۋى مۇمكىن سەكتورلار تۋرالى جالپى اقپارات بەرگىمىز كەلىپ وتىر»، - دەپ توقتالدى مينيستر تەلەارنا ارقىلى وتكەن ونلاين بريفينگ بارىسىندا.
وسى ورايدا ول اتالعان وزگەرىس نۇر- سۇلتان مەن الماتى قالالارىندا ءبىر ۋاقىتتا ەنگىزىلگەنىمەن، ەكى قالادا جۇمىس پروتسەسىندە ايىرماشىلىق بولۋى مۇمكىن ەكەنىن جەتكىزدى. «ونىڭ سەبەبى وسى قالالاردىڭ ەپيدەميالىق جاعدايىنىڭ جانە ەكونوميكاسىنىڭ ايىرماشىلىعىنا بايلانىستى. سوندىقتان بارلىق نيۋانستاردى اكىمدىكتەر تۇرعىندارعا الدىن الا حابارلاپ، ءتۇسىندىرىپ وتىرادى. ەكىنشىدەن، كارانتين تالاپتارىنىڭ وزگەرىسى بىردەن ەمەس، كەزەڭ- كەزەڭمەن جۇزەگە اسىرىلادى. ءار كەزەڭدە دەنساۋلىق ساقتاۋ مينيسترلىگىنىڭ قورىتىندىسى ەسەپكە الىنادى. قازىر تەك ءبىرىنشى كەزەڭ تۋرالى ءسوز بولۋدا. بۇل كەزەڭدە اۋرۋ جۇعۋ قاۋپى ەڭ از دەگەن كاسىپورىندار ىسكە قوسىلادى. بۇنداي كىسىپورىنداردا سانيتارلىق نورمالاردى ساقتاۋ بويىنشا ارنايى حاتتامالار دايىندالادى. ونىڭ ورىندالۋى تۇراقتى تۇردە تەكسەرىلەدى»، - دەدى داۋرەن ابايەۆ.
ەگەر كاسىپورىن ول تالاپتاردى بۇزسا، قاتاڭ شەكتەۋ شارالارى قولدانىلادى.
