شىمكەنتتىك مەتسەنات كوروناۆيرۋس ىندەتىنە قارسى كۇرەسكە 20 ميلليون تەڭگە اۋداردى

جينالعان قارجى الەۋمەتتىك سالاعا جاۋاپتى ماماندارمەن اقىلداسا وتىرىپ، كومەككە مۇقتاج ازاماتتارعا ۇلەستىرىلمەك، دەپ حابارلايدى قازاقپارات ءتىلشىسى.

«Otau Group» حولدينگىنىڭ پرەزيدەنتى ءارى «اتامەكەن» كاسىپكەرلەر پالاتاسى شىمكەنت قالالىق كەڭەسىنىڭ ءتوراعاسى وتكەن جىلى دا ارىستا جارىلىستان زارداپ شەككەندەرگە 10 ميلليون تەڭگە قاراجات اۋدارىپ، ەلدىڭ ريزاشىلىعىن العان بولاتىن. قازىر دە ەلدەگى بيزنەسمەندەرگە ۇلگى كورسەتتى.

«كوروناۆيرۋسقا بايلانىستى قازىر كاسىپكەرلەر دە زارداپ شەگىپ جاتىر. دەگەنمەن مۇمكىندىگى شەكتەۋلى، الەۋمەتتىك جاعدايى از قامتىلعان، تولىق ەمەس وتباسىلار كورىپ جاتقان قيىندىقتاردى بىزبەن سالىستىرۋعا كەلمەيدى. سول سەبەپتى ولارعا قول ۇشىن سوزعان ابزال. وسىعان بايلانىستى «اتامەكەن» كاسىپكەرلەر پالاتاسى جانىنان قور اشتىق. اتالعان قورعا ءبىز كومپانيا اتىنان 20 ميلليون تەڭگە اۋداردىق. وسى تۇستا مەن باسقا دا كاسىپكەرلەردى تۇرمىسى تومەن وتباسىلارعا كومەكتەسۋگە شاقىرامىن. جينالعان قارجى قالالىق اكىمدىكتىڭ الەۋمەتتىك سالاعا جاۋاپتى ماماندارىمەن اقىلداسا وتىرىپ كومەككە مۇقتاج ازاماتتارعا ۇلەستىرىلەدى»، - دەدى قايرات قۇسەيىن ۇلى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى