قوستاناي وبلىسىندا 20 ميلليون جىل بۇرىن تىرشىلىك ەتكەن بالىق تابىلدى
ەجەلگى زاماندا تىرشىلىك ەتكەن بالىق «سوكولو-سارىباي» كەن بايىتۋ كومبيناتىنىڭ قاشار كارەرىن وڭدەۋ كەزىندە تابىلعان. «كاپيتال اۆتو» مەردىگەرلىك كومپانياسىنىڭ قىزمەتكەرلەرى ەكسكاۆاتورمەن قازىپ جاتقاندا ەجەلگى بالىقتىڭ قاڭقاسىن بايقاپ قالعان.
«ەرتەرەكتە بۇل ماڭدى مۇحيت سۋى باسقان دەگەن دەرەك بار. بالىق تۇرلەرىنىڭ تىرشىلىك ەتكەنى ءمالىم. بۇعان دەيىن دە بالىقتاردىڭ تىستەرىن، ومىرتقاسى مەن باسقا دا قالدىقتارىن تاپقانبىز. الايدا بالىق سۇيەگىنىڭ تولىق كۇيىندە تابىلۋى ءبىرىنشى رەت بولىپ وتىر. بالىقتىڭ پالەوگەن كەزەڭىندە، شامامەن 20 ميلليون جىل بۇرىن تىرشىلىك ەتكەنى انىقتالدى»، - دەيدى «سوكولو-سارىباي» كەن بايىتۋ كومبيناتىنىڭ باس گەولوگى نيكولاي سولومين.
گەولوگتىڭ سوزىنشە، ەجەلگى بالىق قاشار تاۋ-كەن وڭدەۋ كەشەنىنىڭ مۋزەيىنە قويىلادى.
