استانا ارۋىنىڭ فينالىنا وتكەن 20 قىز بەينەلەنگەن كۇنتىزبە جارىققا شىعادى
دەپ حابارلايدى قازاقپارات بايقاۋ ۇيىمداستىرۋشىلارىنا سىلتەمە جاساپ.
استانانىڭ ارۋ قىزدارىنا فوتوسەسسيا جاساعان - اتاقتى Fashion-فوتوگراف مارەتا كەليگوۆا. ونىڭ تۋىندىلارى ءوز ءىسىنىڭ حاس شەبەرى، ايگىلى ماكسيم زولوتۋحيننىڭ تۋىندىلارىمەن ۇيلەسىم تاپقان. استانانىڭ كورىكتى جەرلەرىن كوزدىڭ جاۋىن الاتىنداي ەتىپ تۇسىرگەن ونىڭ سۋرەتتەرى جوباعا ءسان بەردى.
كۇنتىزبەدەن قالانىڭ اسەم كورىنىستەرىن تاماشالاپ، سونداي- اق استانانىڭ ايداي سۇلۋ ارۋلارى تۋرالى تولىق مالىمەت الۋعا بولادى.
كۇنتىزبەنىڭ مۇقاباسىندا «استانا ارۋى-2018» مەرەيتويلى بايقاۋىنىڭ جەڭىمپازى ەركەناز سەيفۋللا بەينەلەنگەن. ەركەناز 2017 -جىلى دارىندى بالالارعا ارنالعان «زەردە» مەكتەبىن ءتامامداعان. قازاق تەحنولوگيا جانە بيزنەس ۋنيۆەرسيتەتىندە ءبىلىم الىپ جاتىر، بولاشاق ديزاينەر رەتىندە ءوزىنىڭ كيىم- كەشەك جەلىسىن جاساۋدى ارماندايدى.
