استانادا 20 قازان پالاۋ دايارلانادى

شارا 6 -شىلدە كۇنى ساعات 12:00-دە قاجىمۇقان، 7/1 كوشەسىندە ورنالاسقان «ستۋدەنتتىك» ساياباعىندا قازاقستان وزبەكتەرى «دۋستليك» قاۋىمداستىعى، قازاقستان ستۋدەنتتەر اليانسى مەن بىرلەسىپ قازاقستان حالقى اسسامبلەياسى جانە استانا قالاسى اكىمدىگىنىڭ كولداۋىمەن وتەدى.

ءىس-شارا شەڭبەرىندە اتالعان الاڭدا 4000 ادامعا ارنالعان 20 قازاندا پالاۋ دايارلانادى.

قالاداعى بالالار، قارتتار جانە مۇگەدەكتەر ۋيلەرىنە ارنايى پالاۋ جىبەرۋى جوسپارلانعان. سونىمەن بىرگە، استانادا 6 -شىلدە كۇنى تۋعان 20 سابيگە سىيلىقتار تابىس ەتىلەدى.

ءىس- شاردا قازاقستان حالقى اسسامبلەياسى ءتوراعاسىنىڭ ورىنباسارى ل. پروكوپەنكو، استانا قالاسى اكىمىنىڭ ورىنباسارى ە. امانشايەۆ، ق ر ءماجىلىسىنىڭ سەنات جانە پارلامەنتى دەپۋتاتتارى، ديپلوماتيالىق كورپۋستىڭ وكىلدەرى، ق ح ا مۇشەلەرى، قوعام قايراتكەرلەرى، ەتنومادەني جانە جاستار بىرلەستىكتەرىنىڭ وكىلدەرى، قوناقتار مەن قالا تۇرعىندارى قاتىسادى.

شارانىڭ ماقساتى: قازاقستان رەسپۋبليكاسى پرەزيدەنتىنىڭ «رۋحاني جاڭعىرۋ» باعدارلاماسىن ىسكە اسىرۋ، قوعامدىق ساناسىن جاڭعىرتۋ، ەتنوسارالىق كەلىسىمدى جانە ۇلتتىق بىرلىكتى ناسيحاتتاۋ.

استانانىڭ 20 جىلدىق مەرەيتويىمەن قۇتتىقتاۋ، ەلباسىعا جاڭا ەلوردانى قۇرعانى ءۇشىن ريزاشىلىقتى جانە بۇكىل قازاقستان حالقىنا بەيبىتشىلىك پەن كەلىسىمدى دامىتقانى ءۇشىن العىس ءبىلدىرۋ.

ەلوردا تۇرعىندارى مەن قوناقتارى قازاقستان وزبەكتەرىنىڭ مادەنيەتى، ونەرى، تاريحي مۇراسى، شىعىس قوناقجايلىعى جانە ۇلتتىق تاعام پالاۋدى دايىنداۋىمەن تانىسۋعا مۇمكىندىك الادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى