استانا كۇنىنە وراي الماتىلىقتارعا 20 مەترلىك تورت ۇسىنىلدى
استانانىڭ مەرەيتويىنىڭ قارساڭىندا قالا تۇرعىندارى مەن قوناقتارى ءتاتتى تورتتان ءدام تاتتى، دەپ حابارلايدى قازاقپارات ءتىلشىسى.
ارباتتا الاڭىندا مەرەكەگە تارتۋ رەتىندە 20 مەترلىك تورت پەن 500 ك گ پالاۋ ۇسىنىلدى. دامنەن اۋىز تيۋگە مىڭداعان ادام جينالدى.
سونداي-اق، مەرەكەلىك شارادا استانا مەن الماتى تاريحىنان سىر شەرتەتىن فوتوكورمە ۇيىمداستىرىلدى. مۇندا 9 وتاندىق سۋرەتشىنىڭ 30 عا جۋىق تۋىندىسى قويىلعان. ولاردىڭ اراسىنان استانانىڭ 10 جىل بۇرىنعى كورىنىستەرى دە ورىن تاپتى.
«فوتوكورمەدەگى سۋرەتتەگە قاراپ استانانىڭ قانشالىقتى وزگەرگەنىنە بايقاۋعا بولادى. مەن ساياحاتتاعاندى ۇناتامىن. ءار جىلى استاناعا بارىپ ونىڭ قۇلپىرا تۇسكەن كەلبەتىن مىندەتتى تۇردە ءتۇسىرىپ الامىن. سودان بولار، ەلوردامىزدىڭ جىلدان-جىلعا كوركەيىپ كەلە جاتقانىن ەرەكشە بايقايمىن. بۇل كورمەدە مەنىڭ 5 جۇمىسىم بار. ولاردى كەزىندە الماتى مۋزەيىنە تەگىن وتكىزگەن بولاتىنمىن. ەرىكتىلەردىڭ تاڭداۋى مەنىڭ تۋىندىلارىما تۇسكەنىنە قۋانىشتىمىن»، - دەدى «ليتەر» گازەتىنىڭ فوتوگرافى پاۆەل ميحەيەۆ.
سونداي-اق قالالىقتار كونسەرتتىك باعدارلامانى تاماشالادى. اربات ساحناسىندا جاس تالانتتار استاناعا قۇتتىقتاۋ- تىلەگىن جەتكىزىپ، ءوز ونەرلەرىن ارنادى.
