قازاق ءانشىسى وزىنەن 20 جاس كىشى كەلىنشەگى جايلى ايتىپ بەردى
بۇل تۋرالى 31 - ارنانىڭ «ايتا بەرسىن» باعدارلاماسىنا سىلتەمە جاساپ Stan.kz اقپاراتتىق اگەنتتىگى حابارلايدى.
سەرجانالىنىڭ جۇرەگىن جاۋلاعان ارۋدىڭ ەسىمى - اقبايان، اتىراۋدىڭ ارۋى. وقۋىن ەندى عانا بىتىرگەن بويجەتكەن الماتىداعى جوعارى وقۋ ورىندارىنىڭ بىرىندە اۋدارماشى ماماندىعى بويىنشا ءبىلىم العان.
«اقبوتا كەرىمبەكوۆانىڭ قۋانىشىندا تانىسىپ، قۋانىشتىڭ ارتى قۋانىشقا ۇلاسىپ كەتتى. كورگەن كەزدە- اق بولاشاق جارىم ەكەنىن ءتۇسىنىپ قويدىم. جۇرەك ەرەكشە دۇرسىلدەپ، قۇداي ءوزى بىلدىرەدى ەكەن. سول تويدان باستاپ دايىندالا باستادىم. ەكى ايداي ويلانىپ ءجۇردى. قىزدىڭ نازى بار دەيدى، نازداندى ءبىراز. ءبىراق ەندى قۇدايدىڭ بۇيرىعى»، - دەپ اعىنان جارىلدى سەرجانالى الىبەك.
ال جاستاردىڭ تانىستىعى جايلى اقبوتا كەرىمبەكوۆانىڭ ءوزى بىلمەگەن. ونەر يەسى ەكى جاستىڭ قوسىلۋىنا سەبەپشى بولعانىن كەيىننەن ءبىلىپتى.
«ءبىزدىڭ تويعا دوس بالاسى تانىستىرۋ ءۇشىن ەرتىپ كەلدى. اقباياندى كوردىم دا، جۇرەگىمە ساداق بولىپ قادالدى. بىردەن «مەنىڭ جارىم» دەپ ەسەپتەدىم دەپ ايتتى. ەكەۋىنىڭ تانىستىعى سول كۇنگە بۇيىرىپ تۇرعان شىعار. ەڭ باستىسى، ءبىر- بىرىنە دەگەن ماحاببات، سىيلاستىق. سەرجانالىنىڭ اقباياندى الاقانىنا سالىپ، باقىتتى قىلاتىنىنا سەنىمدىمىن. ويتكەنى سەرجانالى اقكوڭىل، جۇرەگى تازا، سابىرلى جىگىت»، - دەيدى توي قوناعى بولعان اقبوتا كەرىمبەكوۆا.
