قازاقستاندىقتار 20 مينۋتتا مەكەنجاي بويىنشا ونلاين تىركەلە الادى
ەندى ونلاين-تىركەۋ ءۇشىن ازاماتتارعا 20 مينۋت جەتكىلىكتى. سونداي-اق قازاقستان رەسپۋبليكاسىنىڭ سالىق كودەكسىنە ەنگىزىلگەن وزگەرىستەرگە سايكەس، بيىل قاڭتار ايىنان باستاپ تىركەۋ ءۇشىن مەملەكەتتىك باج الىنبايدى.
ەسكە سالا كەتەيىك، بۇرىن ەلەكتروندىق ۇكىمەت پورتالى ارقىلى تىركەلگەندە %10 ا ە ك كولەمىندە مەملەكەتتىك باج تولەۋ كەرەك بولاتىن. سوسىن «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ فرونت-وفيسىنە كەلىپ، جەكە كۋالىك چيپىنە تىركەۋ تۋرالى دەرەكتەر جازباسىن ەنگىزۋ ءۇشىن كوشى-قون قىزمەتكەرىنە جۇگىنۋى قاجەت ەدى. ال بيىلعى ناۋرىز ايىنان باستاپ پورتال ارقىلى تۇرعىلىقتى جەرى بويىنشا تىركەلۋ ءراسىمى ايتارلىقتاي جەڭىلدەتىلدى.
ەندى جىلجىمايتىن مۇلىك يەسى جانە تىركەلەتىن ازامات egov.kz پورتالىندا تىركەلگەننەن كەيىن، تىركەلۋشى ءوتىنىش بەرىپ، ونى مەنشىك يەسى ءوزىنىڭ ەلەكتروندىق سيفرلىق قولتاڭباسىمەن (ە ت س ق) راستاۋى ءتيىس.
ءوتىنىش بەرىلگەننەن كەيىن دەرەكتەر شامامەن 10 مينۋتتا وڭدەلەدى، سودان كەيىن تىركەلگەن مەكەنجاي بويىنشا انىقتاما الۋعا تاپسىرىس بەرۋگە بولادى.
بۇل قىزمەتكە ە ت س ق- سى بار كەز كەلگەن ازامات قازاقستاننىڭ بارلىق ايماقتارىندا قول جەتكىزە الادى.
