وڭىرلەر استانانىڭ 20 جىلدىعىنا نە سىيلايدى؟

ەلوردا اكىمى اسەت يسەكەشەۆتىڭ حالىقپەن ەسەپتىك كەزدەسۋىندە بەلگىلى بولعانداي، باس قالانىڭ بيىلعى مەرەيتويىنا ايماقتار ءبىر-ءبىر نىساننان سالىپ بەرمەك.

اتاپ ايتقاندا، اقتوبە وبلىسى «بەيبىتشىلىك قاقپاسى» كومپوزيتسياسىن، الماتى قالاسى 240 ورىندىق بالاباقشانى، الماتى وبلىسى اراي ساياباعى بازاسىندا سپورتتىق-ساۋىقتىرۋ قالالىق پاركىن، ال اتىراۋ وبلىسى ەسىل وزەنى ارقىلى وتەتىن ۆەلوسيپەدشىلەر مەن جاياۋ جۇرگىنشىلەرگە ارنالعان كوپىر سالۋدى كوزدەپ وتىر.

ال شىعىس قازاقستان وبلىسى بيىل شىلدە ايىندا اشىلاتىن بوتانيكالىق ساياباققا جارىقتى-مۋزىكالىق فونتان،  قىزىلوردا وبلىسى «كوسموس» تاقىرىبىنا اشىق الاڭى بار گۇلزار مەن ەكسپوزيتسيا تارتۋدى ءجون ساناعان.

بيىل ەلوردادا سونداي-اق «قازاق ەلىنە مىڭ العىس!» مونۋمەنتى مەن جاياۋ جۇرگىنشىلەر بۋلۆارى پايدا بولادى. بۇل - استاناعا قاراعاندى وبلىسىنىڭ دايىنداپ وتىرعان سىيى.

باتىس قازاقستان وبلىسى جەڭىس پەن بوگەنباي باتىر داڭعىلدارىنىڭ قيىلىسىندا گۇلزار سالماق، ال ماڭعىستاۋ وبلىسى دوستىق ءۇيىن قايتا جوندەۋدەن وتكىزىپ بەرمەك.

بۇدان بولەك، وڭتۇستىك قازاقستان، سولتۇستىك قازاقستان، پاۆلودار، قوستاناي، اقمولا جانە جامبىل وبلىستارى ەسەبىنەن قالالىق ساياباقتان باستاپ يلينكا كەنتىنە دەيىن قاشىقتىعى 56 شاقىرىم ۆەلوجول سالىنادى.

جالپى استانانىڭ 20 جىلدىق مەرەيتويىندا ەلوردادا 645 تەن استام مادەني- بۇقارالىق شارا وتكىزۋ جوسپارلانعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى