ديماش قۇدايبەرگەن قازاق ۇلتتىق ونەر ۋنيۆەرسيتەتىنىڭ 20 جىلدىعى كونسەرتتەرىنە قاتىسادى

بۇل تۋرالى «قازاقپارات» ح ا ا تىلشىسىنە وقۋ ورنىنىڭ رەكتورى ايمان مۇساقوجايەۆا ءمالىم ەتتى.

«ۋنيۆەرسيتەتتىڭ 20 جىلدىعىنا وراي ەسەپتى كونسەرتتەر قازاقستان اۋماعىنان بولەك، بارشا الەمدە وتەدى. وسى ورايدا ەسەپتى كونسەرتتەردى ەۋروپا، ازيا ەلدەرىندە جانە ا ق ش- تا بەرەمىز. وقۋ ورنىنىڭ 20 جىلدىعىنا ءبىزدىڭ بارلىق ونەر جۇلدىزدارىمىز، ونىڭ ىشىندە ج و و تۇلەكتەرى مەن «استانا وپەرا» تەاترىندا، الەم ەلدەرىندەگى وركەسترلەردە قىزمەت ەتىپ جۇرگەندەر كەلەتىن بولادى. ارينە، ديماش تا ونەر كورسەتەدى، ول ءالى ءۇشىنشى كۋرستىڭ ستۋدەنتى»، - دەدى ا. مۇساقوجايەۆا.

 ەسكە سالا كەتەيىك، وتانداسىمىزدىڭ تالانتتى ونەرى كوپتەگەن قىتايلىق جانە باسقا ەلدەردىڭ جانكۇيەرلەرىن ءتانتى ەتتى. سونىمەن قاتار ديماش قىتايداعى كوپتەگەن مۋزىكالىق ماراپاتتاۋلاردى ەنشىلەدى.

 ايتا كەتكەن ءجون، قازاقستان رەسپۋبليكاسى ۇكىمەتىنىڭ 1998 -جىلعى 31 -  ناۋرىزداعى №269 قاۋلىسىمەن قازاق ۇلتتىق مۋزىكا اكادەمياسى اشىلدى. قازاقستان رەسپۋبليكاسى ءبىلىم جانە عىلىم ءمينيسترىنىڭ 1998 -جىلعى 15 - ساۋىردەگى №28 بۇيرىعىمەن قازاق ۇلتتىق مۋزىكا اكادەمياسىنىڭ رەكتورى بولىپ قازاقستان رەسپۋبليكاسىنىڭ حالىق ءارتىسى، پروفەسسور ايمان مۇساقوجايەۆا تاعايىندالدى. ق ر ۇكىمەتىنىڭ قاۋلىسىمەن 2009 -جىلى ەلوردادا ونەردىڭ بارلىق ءتۇرىن دامىتۋ ماقساتىندا قازاق ۇلتتىق مۋزىكا اكادەمياسى قازاق ۇلتتىق ونەر ۋنيۆەرسيتەتى بولىپ قايتا قۇرىلدى.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى