ساپاربايەۆ مۇناي- گاز سالاسىندا قىتايمەن سەرىكتەستىكتىڭ 20 جىلدىعىمەن قۇتتىقتادى

 «س ن پ س- اقتوبە مۇناي گاز» ا ق وسى جىلدار بويى تەمىر، مۇعالجار، بايعانين اۋداندارىندا مۇناي مەن گاز ءوندىرىپ كەلەدى. قازىرگى ۋاقىتتا بۇل سالادا 16 مىڭنان استام ادام جۇمىس ىستەسە، ونىڭ 7 مىڭنان استامى وڭىردەگى ەڭ ءىرى مۇناي كومپانياسىندا ەڭبەك ەتەدى.

 قازاقستان- قىتاي اراسىنداعى مۇناي- گاز سەرىكتەستىگىنە 20 جىل تولۋىنا وراي وبلىس اكىمى بەردىبەك ساپاربايەۆ مۇنايشىلاردى قۇتتىقتادى.

 «تاۋەلسىزدىك العاننان كەيىن قازاقستان وزىمەن- ءوزى قالدى. سول كەزدە ەل بايلىعىن تەز ارادا يگەرىپ، حالىقتىڭ تۇرمىسىن جاقسارتۋ كەرەك ەدى. 90- جىلدارى قازاقستاننىڭ بايلىعىن يگەرۋ ءۇشىن دۇنيەجۇزىنە ايگىلى «شيەۆرون»، «ادجيپ»، «بريتيش گاز» كومپانيالارى كەلىپ، ەكونوميكامىزدى قالپىنا كەلتىرۋگە كومەكتەستى. قازاقستاننىڭ مۇنايىن، سونىڭ ىشىندە اقتوبە ءوڭىرىنىڭ مۇناي- گازىنا «س ن پ س- اقتوبە مۇنايگاز» ا ق كەلىپ، يگەردى. قازاقستان مەن قىتاي - شەكارالاس، ۇلى جىبەك جولىنىڭ بويىنا ورنالاسقان ەكى مەملەكەت. تاۋەلسىزدىك العان كۇننەن باستاپ كورشى باۋىرلاس مەملەكەت ەسەبىندە ءبىزدىڭ ساياسي- ەكونوميكالىق قارىم- قاتىناسىمىز كۇننەن- كۇنگە ىلگەرى باسىپ كەلەدى. قىتايلىق كومپانيا ينۆەستيتسيامەن بىرگە جاڭا تەحنولوگيانى اكەلدى. 20 جىلدىڭ ىشىندە 100 ميلليون تونناعا جۋىق مۇناي، 50 ميلليارد تەكشە مەتر گاز ءوندىرىلدى. كومپانيا 20 جىلدا ءوڭىرىمىزدىڭ ەكونوميكاسىنا 13 ميلليارد دوللار ينۆەستيتسيا سالدى»، - دەدى ءوڭىر باسشىسى بەردىبەك ساپاربايەۆ.

 ايتا كەتەيىك، ءىرى مۇناي كومپانياسى قازىرگى كەزدە اقتوبە قالاسىندا قۇنى 1,5 ميلليارد تەڭگە بولاتىن جاستار سارايىن سالىپ جاتىر. بيىل وڭىرگە 90 ميلليارد تەڭگە ينۆەستيتسيا سالدى. بۇل وتكەن جىلمەن سالىستىرعاندا ەكى ەسەگە كوپ.

 اۆتور: التىناي ساعىندىقوۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى