قىرعىستاننىڭ ەكس-پرەزيەندتى اقايەۆتىڭ قازاقستاندىق كۇيەۋبالاسى 20 جىلعا سوتتالدى

بۇل تۋرالى Sputnik حابارلايدى.

قىرعىز سوتىنىڭ سايتىندا مالىمدەنگەندەي، قىرعىزستاننىڭ بۇرىنعى پرەزيدەنتى اسقار اقايەۆتىڭ كۇيەۋ بالاسى، قازاقستان ازاماتى ءادىل تويعانبايەۆ بىشكەكتە سىرتتاي سوتتالدى.

تويعانبايەۆ اسقار اقايەۆتىڭ ۇلكەن قىزى بەرمەتكە ۇيلەنگەن. اسقار اقايەۆ 2005-جىلى قىرعىزستان پرەزيدەنتى قىزمەتىنەن كەتكەن سوڭ، تويعانبايەۆقا مەملەكەتتىك نىسانداردى زاڭسىز جەكەشەلەندىرىپ، الاياقتىق جانە جەمقورلىقپەن اينالىستى دەگەن ايىپ تاعىلدى. قازاقستاندىققا حالىقارالىق ىزدەۋ سالىنىپ، ول بىرنەشە رەت قازاقستاندا، رەسەيدە جانە بىرىككەن اراب امىرلىگىندە ۇستالعان، ءبىراق بىشكەك بيلىگىنىڭ قولىنا ءبىر تۇسپەي قويدى.

اقىرى سوڭىندا، تويعانبايەۆ بىشكەكتە سىرتتاي سوتتالىپ، 20 جىلعا باس بوستاندىعىنان ايىرىلدى جانە مۇلكى تاركىلەنىپ، ەكى ءجۇز ەسەپتىك كورسەتكىش كولەمىندە ايىپپۇل تولەۋگە مىندەتتەلدى.

سونىمەن بىرگە، تويعانبايەۆتىڭ ماناس حالىقارالىق اۋەجايىنا 677 ميلليون سوم وتەماقى تولەۋى قاراستىرىلۋدا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى