قازاق كۇرەسىنەن وتەتىن «ەۋرازيا بارىسى» دوداسىنىڭ جۇلدە قورى 20 ميلليون تەڭگە بولدى

«جۇلدە قورى 20 ميلليون تەڭگە. ءبىرىنشى ورىن العان پالۋانعا 10 ميلليون، ەكىنشىگە - التى ميلليون، ۇشىنشىگە - ءتورت ميلليون بەرىلەدى»، - دەدى قازاق كۇرەسى فەدەراسياسىنىڭ ۆيتسە- پرەزيدەنتى سارسەن قۇرانبەك ورتالىق كوممۋنيكاتسيالار قىزمەتىندە.

ونىڭ سوزىنە قاراعاندا، تۋرنير 1- جەلتوقساندا ءتورتىنشى مارتە وتپەك. وعان گرۋزيا، موڭعوليا، پولشا، رەسەي، تاجىكستان، تۇركيا، وزبەكستان، قازاقستان ەلدەرىنەن پالۋاندار قاتىسادى دەپ كۇتىلۋدە. قاتىسۋشىلار بارلىق سەگىز سالماقتا ونەر كورسەتەدى.

«قازاقستان بارىسى» قازاق كۇرەسىن دامىتۋ قورىنىڭ ءتوراعاسى ارمان شورايەۆتىڭ اتاپ وتكەنىندەي، اتالمىش دودانى تىكەلەي ەفيردە قازاقستاندىق تەلەارنالاردان بولەك، رەسەيلىك، تۇركيالىق تەلەارنالار دا كورسەتەدى.

اۆتور: جاسۇلان جولدىبايەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى