ءبىر قىزمەتكەر 20 قىلمىستىڭ بەتىن اشتى
وسى ورايدا ءبىر جىلدان استام ۋاقىت بۇرىن مەملەكەتتىك كىرىستەر دەپارتامەنتى قۇرامىندا قۇرىلعان ەكونوميكالىق تەرگەۋلەر قىزمەتى قارجى، سالىق جانە كەدەن سالاسىنداعى ەكونوميكالىق قىلمىستاردى اشىپ كەلەدى.
اتاپ ايتقاندا، ب ق و بويىنشا مەملەكەتتىك كىرىستەر دەپارتامەنتى ەكونوميكالىق تەرگەۋلەر قىزمەتى كولەڭكەلى ەكونوميكامەن كۇرەس باسقارماسى زاڭسىز كاسىپكەرلىك قىزمەتكە جانە جالعان اقشا جاساۋشىلىققا قارسى ءىس-قيمىل ءبولىمىنىڭ باس مامانى - ەرەكشە ماڭىزدى ىستەر جونىندەگى اعا وفيتسەرى سابىرعالي بالعاليەۆ وتكەن جىل قورىتىندىسىمەن ق ر قارجى مينيسترلىگى مەملەكەتتىك كىرىستەر كوميتەتى جاريالاعان رەسپۋبليكالىق بايقاۋدا «ۇزدىك جەدەل قىزمەتكەر» اتالىمى بويىنشا جەڭىمپاز اتاندى.
دەپارتامەنتتىڭ باسپا ءسوز حاتشىسى نازار قۋانعاليەۆتىڭ حابارلاعانىنداي، 2015-جىلى سابىرعالي بازارعالي ۇلىنىڭ جەدەل ماتەريالدارى بويىنشا 20 قىلمىستىڭ بەتى اشىلدى. ونىڭ جەكە ءوزى وبلىس اۋماعىنا 758 مىڭ تەڭگە كولەمىندە جالعان اقشانىڭ كىرۋىنە توسقاۋىل قويدى، قىلمىسكەرلەر سوتتالدى.
وتكەن جىل باسىندا 39 ويىن اۆتوماتى تاركىلەنىپ، 21 ويىنحانا جويىلدى. جىل بويى ق ر ق ك 307-بابى 1-بولىگى بويىنشا 22 قىلمىس اشىلىپ، 41 جاسىرىن ويىنحانا، 12 جاسىرىن بۋكمەكەرلىك كەڭسە، 1 ويىن اۆتوماتتارى زالى، 1 جاسىرىن كازينو اشكەرەلەندى. 2,783 ميلليون تەڭگە تاركىلەنىپ، مەملەكەت پايداسىنا جاتقىزىلدى. قىلمىسكەرلەرگە 6,144 ميلليون تەڭگە ايىپپۇل سالىندى.
س. بالعاليەۆتىڭ تىكەلەي قاتىسىمەن رەسەيدەن قۇجاتسىز بيتۋمدى زاڭسىز تاسىمالداۋ دەرەگى بويىنشا 11 قىلمىستىق ءىس تىركەلدى.
وتكەن جىلدىڭ ءساۋىر ايىندا قالا اۋداندارىنىڭ بىرىندەگى قويمانى قاراۋ كەزىندە كۇماندى ماركا جاپسىرىلعان 135 مىڭنان استام شولمەك اراق تابىلدى.
سول سەكىلدى مامىر ايىندا 68315 شولمەك الكوگول ءونىمىن ليتسەنزياسىز ساقتاۋ جانە وتكىزۋ دەرەگى بويىنشا قىلمىستىق ءىس قوزعالىپ، ورال قالالىق سوتىنىڭ ۇكىمىمەن ايىپتى ادامعا 1 387,4 مىڭ تەڭگە ايىپپۇل سالىندى. وعان قوسا 17,5 ميلليون تەڭگەنىڭ الكوگول ءونىمى مەملەكەتكە وتكىزىلدى.
س. بالعاليەۆتىڭ جەدەل ماتەريالى بويىنشا 26,7 ميلليون تەڭگەنىڭ قىمبات مەتالدارى زاڭسىز ساقتالعان ءۇش قويما انىقتالدى. وسى دەرەك بويىنشا قويما يەسىنە 30 ا ە ك كولەمىندە ايىپپۇل سالىنىپ، تاركىلەنگەن 26,7 ميلليون تەڭگەنىڭ مەتالى مەملەكەت پايداسىنا جاتقىزىلدى.
ايتا كەتەيىك، س. بالعاليەۆ 27 جاستا. 2009-جىلى جاڭگىر حان اتىنداعى باتىس قازاقستان اگرارلىق-تەحنيكالىق ۋنيۆەرسيتەتىن ەكونوميست ماماندىعى بويىنشا ءبىتىرىپ، وبلىس كاسىپورىندارىندا، 2011-جىلدان قارجى پوليتسياسى ورگاندارىندا قىزمەت اتقارعان. 2014-جىلى باتىس قازاقستان ينجەنەرلىك-گۋمانيتارلىق ۋنيۆەرسيتەتىن زاڭگەر ماماندىعى بويىنشا سىرتتاي ءتامامداعان ول سول كەزدە جاڭادان قۇرىلىپ جاتقان ب ق و بويىنشا مەملەكەتتىك كىرىستەر دەپارتامەنتىنە قىزمەتكە كەلدى.
اۆتور: ەلجان ەرالى
