شىمكەنتتە اۆتوبۋس پەن جەڭىل كولىكتەردىڭ سوقتىعىسۋى سالدارىنان 20 عا جۋىق ادام جاپا شەكتى - فوتو
بايدىبەك ءبي داڭعىلى مەن ارعىنبەكوۆ كوشەسىنىڭ قيىلىسىندا جولاۋشىلار اۆتوبۋسى جۇرگىزۋشىسىنىڭ كىناسىنەن 10 جەڭىل كولىك سوقتىعىسقان ءىرى جول-كولىك اپاتى ورىن الدى. و ق و ءى ءى د باسپا ءسوز قىزمەتىنىڭ اقپاراتىنشا، كولىك قۇرالىنىڭ تەجەگىشى ىستەمەي قالعان.
45 جاستاعى جۇرگىزۋشى ارا قاشىقتىقتى ساقتاماي، الدىمەن باعدارشام الدىندا تۇرعان كولىككە سوعىلدى. سوققى سالدارىنان كولىك وزگە جەڭىل كولىككە ۇرىندى. وسىلايشا 8 جەڭىل كولىك پەن ءبىر اۆتوبۋس سوقتىعىستى.
20 دان استام ادام ءتۇرلى جاراقات الدى. زارداپ شەككەندەردىڭ 17 سى، سونىڭ ىشىندە اۆتوبۋس جۇرگىزۋشىسى اۋرۋحاناعا جەتكىزىلدى.
«تەكسەرۋدەن سوڭ ەكەۋى اۋرۋحاناعا جاتقىزىلدى. ناۋقاستىڭ بىرەۋىن جەدەل نەيروحيرۋرگيا بولىمشەسىنە جونەلتتىك. ويتكەنى ول جابىق باس سۇيەك جاراقاتىمەن تۇسكەن. ەكىنشىسىن تراۆماتولوگيا بولىمشەسىنە اتتاندىردىق. ونىڭ بەل ومىرتقاسىنىڭ قىسپا سىنىعىمەن ءتۇستى»، - دەدى قابىلداۋ ءبولىمىنىڭ مەڭگەرۋشىسى ءسابيت بايبوسىنوۆ.
دارىگەردىڭ سوزىنە قاراعاندا، قالعاندارىنا العاشقى مەديتسينالىق كومەك كورسەتىلىپ، ۇيلەرىنە جىبەرىلدى. اتالعان فاكتى بويىنشا ق ر ق ك 345 -بابىنا سايكەس سوت الدىنداعى تەرگەۋ جۇرگىزىلىلۋدە. ءبىرقاتار ساراپتاما وتكىزىلىپ جاتىر.
