شەتەلدىك قۇقىق قورعاۋ ورگاندارى 20 قازاقستاندىققا ىزدەۋ سالىپ جاتىر

قازاقستاننىڭ ازاماتتارىنا ەڭ كوپ ىزدەۋ جاريالاعان قىرعىزستان - 8 ادامعا. ولار ۇرلىق جاساعان، ادام ولتىرگەن، ولتىرمەكشى بولعان، قاراقشىلىق جاساعان، سالىقتان جالتارعان، ەسىرتكى قىلمىسىن جاساعان جانە ايەل زورلاعان دەپ ايىپتالادى.

ەكىنشى ورىندا - رەسەي فەدەراتسياسى. ولار قازاقستاننىڭ 7 ازاماتىن باسقانىڭ مۇلكىن تالان-تاراجعا سالعان، تۇرمەدەن قاشقان، زاڭسىز قاراقشىلىق توپتاردا بولعان، الاياقتىق جاساعان، ادام ولتىرگەن، ەسىرتكى مەن قارۋ-جاراق ساتقان دەپ ايىپتالادى. بۇل رەتتە رەسەيدىڭ سۇراۋ سالۋىمەن ءالى كۇنگە ب ت ا بانكتىڭ ەكس-باسشىسى مۇحتار ءابلازوۆ تە ىزدەۋدە ءجۇر.

باسقانىڭ اسا ءىرى مولشەردەگى مۇلكىن ۇيىمداسقان توپ بولىپ تالان-تاراجعا سالعانى ءۇشىن جانە قاراقشىلىق جاساعانى ءۇشىن ەكى قازاقستاندىقتى ۋكراينا ىزدەستىرۋدە.

ءبىر ادامنان ا ق ش (توناۋشىلىق)، اۋعانستان (الاياقتىق) جانە بەلارۋس (ادام ءولتىرۋ) ىزدەستىرۋدە.

بارلىعى ينتەرپولدىڭ ىزدەستىرۋىندە قازاقستاننىڭ 62 ازاماتى بار. بۇل رەتتە مۇحتار ءابلازوۆتىڭ باجاسى سىرىم شالابايەۆ تىزىمدە ەكى رەت كورسەتىلگەن: ءبىر رەت رەسەي سۇراۋىمەن، ەكىنشىسىندە - قازاقستاننىڭ سۇراۋىمەن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى