ۇلتتىق ۇلان جاۋىنگەرلەرى 20 جاستاعى ايزادانى قالاي تاۋىپ العاندارىن ايتىپ بەردى
لەيتەنانت رۋستام سەردالينوۆتىڭ جەتەكشىلىگىمەن كينولوگ، كىشى سەرجانت ارمان الىمبەتوۆ، قاتارداعى جاۋىنگەرلەر تىلەۋحان نۇرحان مەن بيبول بينۇر قىزمەت ەتەتىن جەدەل ماقساتتاعى روتانىڭ اسكەري جاساعى الماتى وبلىسى قاپشاعاي قالاسىنىڭ ماڭىنداعى «زاريا كاپشاگايا» ساياجاي كووپەراتيۆىندە جەدەل- ىزدەستىرۋ ءىس- شارالارىن اتقارىپ جاتقان.
«سۆەتوچنايا كوشەسىنىڭ بويىندا تەمىر جول بويىندا كەلە جاتقان ەكى ادام نازارىمىزدى اۋداردى. ولاردىڭ ءبىرى ەۋروپالىق ءناسىلدى ەر ادام قىز بالانى قولىنان جەتەكتەپ كەلە جاتتى. ەكەۋى ءبىزدى كورە سالا بۇرىلىپ قاشتى. سول كەزدە زەرون دەگەن يتكە ءامىر بەردىك. ءيتتىڭ داۋسىنان قورىققان ەر ادام توقتاي قالدى. قۇجاتىن سۇراعاندا ەر ادام ەشتەڭە كورسەتپەدى. قىز بىردەن قۇجاتىن كورسەتتى. سول كەزدە قىلمىسكەردىڭ قولىن ارتقا قايىرىپ، پوليتسيا شاقىردىق. سول مەزەتتە ابدەن قورىققان قىز جىلاپ جىبەردى»، - دەدى رۋستام سەردالينوۆ.
پوليتسيا قىزمەتكەرلەرى توكاريەۆ يگور اناتوليەۆيچ پەن ونىڭ تۇتقىنىندا بولعان اۆلاتاروۆا ايزادا ءالىمجان قىزىن اۋداندىق ءى ءى ب- نا جەتكىزدى.
ولاردىڭ ايتۋىنشا، ايزادانىڭ ءومىرى مەن قاۋىپسىزدىگىنە ءتونىپ تۇرعان قاۋىپ جوق.
«قازاقستان رەسپۋبليكاسى ۇلتتىق ۇلانىنىڭ اسكەري قىزمەتشىلەرى وزدەرىنىڭ اسكەري مىندەتىن ادال اتقارۋ ارقىلى قۇقىقتىق تارتىپتىلىكتى نىعايتۋ جولىندا ۇلكەن ۇلەس قوسىپ كەلەدى جانە تاۋلىكتىڭ كەز كەلگەن ۋاقىتىندا ەلىمىزدىڭ تۇرعىندارىنا كومەككە كەلۋگە ءازىر!» - دەدى ر. سەردالينوۆ.
اۆتور: گۇلميرا عوسمانالي
