وتاندىق تۇڭعىش سەريالدىڭ كورەرمەنگە جول تارتقانىنا 20 جىل تولدى
قوعامنىڭ سان قىرىن قامتىعان ءارتۇرلى جانرداعى باعدارلامالاردى ءتۇسىردى جانە ءتۇسىرىپ كەلەدى. ايتپاقشى، بيىل قازاق تەلەۆيزياسىنىڭ تاريحىنداعى تۇڭعىش تەلەحيكايانىڭ ەكرانعا شىققانىنا دا 20 جىل تولىپ وتىر. «توعىسقان تاعدىردان» باستالعان بۇل ءۇردىس قازىر دە جالعاسىن تاپتى. «سالەم، قازاقستان!» بۇل «حابار» تەلەارناسىنىڭ العاشقى باعدارلاماسىنىڭ ءبىرى ەدى. ۇيقىسىنان ەندى ويانعان كورەرمەندى ەلدەگى جانە شەتەلدەگى جاڭالىقتان حاباردار ەتىپ، اسەمدىك الەمىندەگى تىڭ تۋىندىلار مەن اۋەزدى مۋزىكا ۇسىناتىن.
ارمان سەيتمامىت، «24 KZ» تەلەارناسىنىڭ ديرەكتورى:
- مەن ءوزىم 1997 -جىلى «حابارعا» كەلدىم. سول كەزدە جۇمىسقا تۇرعان كۇنىمنىڭ ەرتەڭىندە تاڭەرتەڭ مەنى تىكەلەي ەفيرگە شىعارىپ جىبەردى. «سالەم، قازاقستان!» باعدارلاماسى «حابار» تەلەارناسىنىڭ ساعات 07:00 دەن باستاپ شىعاتىن ەڭ العاشقى باعدارلاماسى بولاتىن.
بۇدان سوڭ «قازاقتار»، «اقىندار اللەياسى»، «ءتىل»، «ساۋلەت سىرى» سەكىلدى تەلەجوبالار ومىرگە كەلدى. ءارتۇرلى جانرداعى باعدارلامالار كورەرمەن تاراپىنان لايىقتى باعاسىن الدى. «حابار» تەلەارناسى قازاق تەلەۆيزياسىنىڭ تاريحىندا العاش بولىپ تەلەحيكايا ءتۇسىرۋدى باستاپ، تىڭنان تۇرەڭ سالدى. 495 سەريالى «توعىسقان تاعدىرلار» تەلەحيكاياسى 1995 -جىلى باستالىپ، 2000 -جىلى اياقتالدى.
باقىتجان الپەيىسوۆ، اكتەر:
- سەريال دەگەن ۇعىم دا جوق بىزدە. باسىندا ونى ەستىگەن كەزدە، «بۇل قالاي بولار ەكەن؟» دەگەن كۇمان دە كوپ بولدى. قانشاما ۇل- قىزدارىمىزدىڭ باعى اشىلىپ، كينوعا جولداما الدى «توعىسقان تاعدىرلار» ارقىلى. حالىقتىڭ جۇرەگىنە جولداما الدى.
بايان قىزىلوۆا، «حابار» تەلەارناسىنىڭ رەجيسسەرى:
- بۇل سەريالدا سول كەزدەگى حالىقتىڭ، ەلدىڭ، ەلىمىزدە قانداي جاعداي بولىپ جاتىر، سونىڭ ءبارى اۋقىمدى الىنعان، سول كەزگە ساي قىزىقتى سەريال بولدى. ونى قانشاما ادام كوردى. ونى ماقتانا ايتا الامىز.
ال قازاقتىڭ كۇمىس كومەي ءانشىسى كۇلاش، باتىر ۇلى باۋىرجان تۋرالى كوپسەريالى كوركەم فيلمدەردىڭ قازاق كينوسىنىڭ التىن قورىنان ورىن الارى انىق. قازىر حاكىم ابايدىڭ قارا سوزدەرىنىڭ نەگىزىندە «اقىلدىڭ كىلتى» اتتى 12 سەريالى كوركەم فيلمنىڭ ءتۇسىرىلىمى باستالدى. ەستەرىڭىزدە بولسا، 1999 -جىلى «حابار» ارناسى اباي قۇنانبايەۆتىڭ قارا سوزدەرىنەن شاعىن فيلمدەر ۇسىنعان بولاتىن.
مۇرات بيدوسوۆ، رەجيسسەر:
- بۇل جولى ءبىز بارلىق ءسوزىن ءبىر ۇلكەن سيۋجەتكە اينالدىرماقشى بولدىق. وقيعانىڭ ءوزى، باسى مەن اياعى بولاتىن بولدى. سوندىقتان ءبىز ءبىر اۋلەت تۋرالى ەپوپەيا جاسادىق. اسا دارىندى كۇيشى، كومپوزيتور نۇرعيسا تىلەنديەۆتىڭ ءومىرى تۋرالى كوركەم فيلمنىڭ دە ەكرانعا شىعاتىن كۇنى الىس ەمەس. بۇگىندە 5 سەريالى «قۇستار ءانى» اتتى تۋىندىنىڭ ءتۇسىرۋ جۇمىستارى قىزۋ ءجۇرىپ جاتىر.
