الماتىدا شاعىن فۋتبولدان 20- عاسىردىڭ ەڭ ۇزدىك ويىنشىسى اتىنداعى «ەرەمەنكو كۋبوگى» ساراپقا سالىنادى

بۇل تۋرالى بۇگىن «قايرات» شاعىن  فۋتبول كلۋبىنىڭ باسپا ءسوز قىزمەتى حابارلادى.

تۋرنيرگە 6 كوماندا قاتىسادى. رەسەي تاراپىنان «ەرەمەنكو كۋبوگىنىڭ» قازىرگى يەگەرى - «سينارا» (ەكاتەرينبور) ، ۋ ە ف ا كۋبوگىنىڭ «ءتورت ۇزدىك كلۋبتىڭ فينالى» تۋرنيرىنە قاتىسۋشى - «تۇمەن» (تۇمەن قالاسى) جانە «نوريل نيكەلى» كوماندالارى قاتىسادى.

سوڭعى كوماندا تۇڭعىش رەت قاتىسپاق. ال قازاقستاننىڭ نامىسىن ۋ ە ف ا كۋبوگىنىڭ ەكى دۇركىن يەگەرى الماتىنىڭ «قايرات» كومانداسى قورعايدى. سونىمەن قاتار، لاتۆيادان ەل چەمپيونى - «نيكارس» كومانداسى كەلەدى دەپ كۇتىلۋدە. التىنشى كوماندا ازىرگە انىقتالعان جوق. ول قاراعاندىنىڭ «تۇلپارى»، ازەربايجان نەمەسە يران ەلىنىڭ كومانداسى بولۋى ىقتيمال.

ال «ەرەمەنكو كۋبوگى» 2013/14 شاعىن  فۋتبول ماۋسىمىندا العاش رەت وتكىزىلگەن بولاتىن. سوندا «قايرات» كومانداسى وسى كۋبوكتىڭ ەڭ العاشقى يەگەرى اتاندى. ەكىنشى تۋرنير رەسەيدىڭ تۇمەن قالاسىندا ۇيىمداستىرىلدى. بۇل جولى «سينارا» كومانداسىنىڭ باعى جاندى.

الداعى تۋرنير وسىمەن ءۇشىنشى رەت وتكىزىلمەك.

ەستەرىڭىزگە سالا كەتەلىك، شاعىن  فۋتبولدىڭ ساڭلاعى كونستانتين ەرەمەنكو 1970-جىلى 5- تامىزدا ۋكراينانىڭ دنەپروپەتروۆسك قالاسىندا تۋعان. 2010-جىلى 18- ناۋرىزدا ماسكەۋدە قايتىس بولعان. رەسەيلىك سپورتشى جانە ەڭبەك سىڭىرگەن سپورت شەبەرى. شاعىن  فۋتبولدان 20- عاسىردىڭ ەڭ ۇزدىك ويىنشىسى اتانعان. ول ءوزىنىڭ سپورتتىق جولىندا، رەسمي ماتچتاردا 1132 گول سالعان. ماسكەۋدىڭ «دينا» شاعىن فۋتبول كلۋبىنىڭ ساپىندا ونەر كورسەتكەن.

اۆتور: جاپپاربەرگەن ايبوتا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى