ا ق ش عالىمدارى ادامنىڭ قارتايعانىندا الجىپ كەتەتىنىن 20 جاسىندا-اق بىلۋگە بولاتىنىن انىقتادى
ا ق ش عالىمدارى جاڭا عىلىمي-زەرتتەۋ جۇمىستارىنىڭ ناتيجەسىندە وسىنداي تۇجىرىمعا كەلىپ وتىر. دەمەك، بۇل - اۋرۋدىڭ ءبىز ويلاعان ۋاقىتتان ايتارلىقتاي ەرتە پايدا بولاتىنىن بىلدىرەدى دەگەن ءسوز، دەپ جازادى Meddaily.
الجۋ اۋرۋىنا جانە دەمەنسيانىڭ وزگە دە فورمالارىنا، بولجام بويىنشا، 2050 -جىلعا قاراي 44 ميلليون ادام شالدىعادى. ويتكەنى، جەر شارى تۇرعىندارىنىڭ اعزاسى ءتۇرلى فاكتورلارعا بايلانىستى تەز قارتايىپ بارادى جانە كوپتەگەن اۋرۋلارعا ەم تابىلماي وتىرعانى جاسىرىن ەمەس.
چيكاگوداعى سولتۇستىك- باتىس ۋنيۆەرسيتەتىنىڭ قىزمەتكەرلەرى التسمەيگەر اۋرۋىنا شالدىققان جانە ونىمەن اۋىرماي اقىل-ەسى ساۋ كۇيىندە قايتىس بولعان ەگدە جاستاعى ادامداردىڭ ميىن زەرتتەدى. سونداي-اق، 20-66 جاس ارالىعىنداعى 13 ادامعا دا سىناق جۇرگىزدى.
تەست كورسەتكەندەي، ۋلاندىرعىش اقۋىز - بەتا- اميلويد التسمەيگەر اۋرۋى كەزىندە 20 جاستان باستاپ-اق ميدا جينالا باستايتىنى انىقتالدى. بۇرىن بۇل شوعىرلانۋ اۋرۋ بەلگىسىنىڭ بىلىنۋىنە دەيىن 15-20 جىل بۇرىن عانا قالىپتاسا باستايدى دەپ ەسەپتەلىپ كەلگەن. ياعني، ادام 80 جاسىندا الجىپ كەتسە، اۋرۋ 65-70 جاستارىندا العاشقى بەلگىلەرىن بەرەدى دەيتىن.
الايدا، ولاي بولماي شىقتى. وسى ارادا، بەتا-اميلويد ايتارلىقتاي جاس ادامداردىڭ ميلارىنداعى ەستە ساقتاۋ جانە كوڭىل بولۋگە جاۋاپ بەرەتىن نەيرونداردا دا بولاتىنى انىقتالىپ، عالىمداردى تاڭقالدىردى. دەمەك، بۇل اۋرۋ دا «جاسارىپ» كەلەدى دەگەن ءسوز.
