الەمدىك نارىقتاعى قازاقستاندىق تيتان ۇلەسى 20 پايىزعا جەتكىزىلەدى
كونگرەسكە قاتىسقان پرەمەر- ءمينيستردىڭ ءبىرىنشى ورىنباسارى باقىتجان ساعىنتايەۆ قازاقستاننىڭ تاۋ- كەن مەتاللۋرگيا سالاسىنداعى بۇگىنگى احۋالعا جان- جاقتى توقتالىپ، ەلىمىزدىڭ تاۋ- كەن مەتاللۋرگيا ونەركاسىبىن دامىتۋدىڭ ءبىرقاتار باسىم باعىتى مەملەكەت باسشىسىنىڭ 5 ينستيتۋتتىق رەفورما ءۇشىن بەلگىلەگەن «100 ناقتى قادامىن» جۇزەگە اسىرۋعا ءدوپ كەلەتىندىگىن باسا ايتتى.
«قازاقستاندىق مەتالل برەندتەرىن دامىتۋعا كەلەتىن بولساق، بىز قازاقستان تيتانىنىڭ الەمدىك سەگمەنتتەگى ۇلەسىن 11 پايىزدان 20 پايىزعا دەيىن ارتتىرۋدى جوسپارلاپ وتىرمىز»، - دەدى ب. ساعىنتايەۆ.
ونىڭ اتاپ وتۋىنشە، مۇنان وزگە سالادا پايدالى قازبالار قورلارى بويىنشا ەسەپتىلىك ستاندارتتاردىڭ حالىقارالىق جۇيەسىن ەنگىزۋ ۇدەرىسىن باستاۋ جوسپارلانعان. جەر قويناۋىن پايدالانۋ سالاسىندا اۋستراليالىق تاجىريبەنى پايدالانىپ جەڭىلدەتىلگەن شارتتارعا كوشۋ كوزدەلگەن. ەلىمىزدە وتاندىق مەتاللۋرگيالىق ونىمدەردىڭ باسەكەگە قابىلەتتىلىگىن ساقتاۋعا مۇمكىندىك بەرەتىن شارالار دا قابىلدانۋدا.
وسىلايشا، يندۋستريالاندىرۋدىڭ ءبىرىنشى بەسجىلدىعى اياسىندا ەلىمىزدە تاۋ- كەن مەتاللۋرگيالىق سالاسىنا 2,5 ميلليارد ا ق ش دوللارى سوماسىنا 60 جاڭا ءوندىرىس پايدالانۋعا بەرىلسە، اعىمداعى جىلى تاعى 6 جوبانى ىسكە قوسۋ جوسپارلانىپ وتىر. «ەكونوميكانى ءارتاراپتاندىرۋ ماقساتىندا ق ر پرەزيدەنتى 2015-2019 - جىلدارعا ارنالعان ۇدەمەلى يننوۆاتسيالىق- يندۋستريالىق دامۋ مەملەكەتتىك باعدارلاماسىن قابىلدادى. وندا قارا جانە ءتۇستى مەتاللۋرگياعا باسىمدىق بەرىلگەن»، - دەدى ول.
ەكى كۇندىك شارادا گەولوگتار، كەنشىلەر مەن مەتاللۋرگتەر تاۋ- كەن مەتاللۋرگيا كەشەنىنىڭ ونەركاسىپتىك ساياساتىن، ونىڭ ىشىندە، قازاقستاننىڭ گەولوگيالىق بارلاۋ جۇمىستارىنا ينۆەستيتسيا تارتۋ، تاۋ- كەن مەتاللۋرگيا كەشەنىنىڭ شيكىزات بازاسىن دامىتۋ، قازاقستاننىڭ ونەركاسىپتىك الەۋەتىن كەڭەيتۋ، كومىر ونەركاسىبىن، التىن ءوندىرۋ سالاسىن دامىتۋ ماسەلەلەرىن تالقىلادى.
فورۋمنىڭ پلەنارلىق سەسسيالارى «قازاقستان رەسپۋبليكاسىنىڭ كومىر ونەركاسىبىنىڭ دامۋ كەلەشەگى»، «التىن ءوندىرۋ سالاسىن دامىتۋ، اففيناجدىق كاسىپورىندارعا جاڭا تەحنولوگيالاردى ەنگىزۋ، سونداي- اق، قۇرامىنا اسىل مەتالدار كىرەتىن قازاقستاندىق شيكىزاتتى قايتا وڭدەۋگە كۇش سالۋ»، «ەنەرگيا تيىمدىلىگى - تاۋ- كەن ءوندىرۋ جانە مەتاللۋرگيا سالاسىنىڭ دامۋ فاكتورى»، «تاۋ- كەن مەتاللۋرگيا كەشەنى ءۇشىن كادرلار» دەگەن تاقىرىپتار بويىنشا ءوربىدى.
