تۇرىك كومپانيالارى قازاقستاننىڭ سپورت يندۋسترياسىنا 20 ميلليون دوللار ينۆەستيتسيا قۇيادى

«تۇركياداعى «Salcano» ۆەلوسيپەدىن شىعاراتىن جانە «Inka Sportif» سپورت كيىمىن تىگەتىن ءىرى كومپانيا قازاقستاندا ۆەلوسيپەد شىعاراتىن فابريكا اشۋدى جوسپارلاۋدا. ولار سونىمەن بىرگە سپورت كيىمىن تىگۋگە جانە «كازسپورت ينۆەست» ا ق بازاسىندا يننوۆاتسيالىق تەحنولوگيالاردى پايدالانىپ، ولاردى قامتاماسىز ەتۋ بويىنشا فابريكانى اشۋعا ءازىر»، - دەلىنگەن حابارلامادا.

كەزدەسۋ بارىسىندا تاراپتار ىنتىماقتاستىق تۋرالى مەموراندۋمعا قول قويعانى جانە جوعارىدا كورسەتىلگەن ينۆەست جوبالاردى ىسكە اسىرۋدى باستاۋ 2015-جىلدىڭ ءبىرىنشى توقسانىنا جوسپارلاعانى اتاپ ءوتىلدى. بۇعان 20 ميلليونعا جۋىق ا ق ش دوللارى تارتىلماق.

بۇدان بۇرىن حابارلانعانداي، «قازسپورت ينۆەست» ا ق پرەزيدەنتى ارنابول باقىتتىڭ باسشىلىعىمەن قازاقستاندىق دەلەگاتسيا تۇركياعا باردى. ساپار بارىسىندا دەلەگاتسيا تۇرىك رەسپۋبليكاسىنىڭ سپورت يندۋسترياسىنىڭ باسشىلارىمەن، بيزنەسمەندەرىمەن ءبىرقاتار كەلىسسوزدەر جۇرگىزىپ، قازاقستاننىڭ سپورت يندۋسترياسىن دامىتۋعا ءىرى كومپانيالاردى تارتا ءبىلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى