تالدىقورعاندا ق ر ءماسليحاتتارىنىڭ 20 جىلدىعى اتاپ ءوتىلدى
جيىندا الماتى وبلىسىنىڭ اكىمى اماندىق باتالوۆ قۇتتىقتاۋ ءسوز سويلەدى. ايماق باسشىسى ءوز سوزىندە ءماسليحاتتار دەپۋتاتتارىنىڭ تاۋەلسىزدىك جىلدارى بيلىك پەن حالىق اراسىنداعى بايلانىستىرۋشى بۋىنعا اينالا العانىن جەتكىزدى. 1994-جىلى وتكىزىلگەن سايلاۋ مەن حالىقتىڭ مۇددەلەرىن قورعايتىن ءماسليحاتتاردىڭ قۇرىلۋى قوعامنىڭ دەموكراتيالانۋى، ەلدىڭ الەۋمەتتىك جانە ەكونوميكالىق دامۋى ۇدەرىستەرىن جەدەلدەتتى.
«مەملەكەت باسشىسى نۇرسۇلتان ءابىش ۇلى نازاربايەۆ جەرگىلىكتى ءوزىن-ءوزى باسقارۋدى ودان ءارى دامىتۋ بويىنشا بەلگىلى ءبىر مىندەتتەر قويدى. جەرگىلىكتى جەرلەردە بيلىك ورگاندارىنىڭ وكىلەتتىلىگىن كۇشەيتۋ، جەرگىلىكتى ءوزىن-ءوزى باسقارۋ ورگاندارىن ازاماتتاردى مەملەكەتتىك شەشىمدەر قابىلداۋ جانە ولاردى جۇزەگە اسىرۋ ۇردىستەرىنە تىكەلەي تارتۋ جولىمەن دامىتۋ قاراستىرىلۋدا. تۇرعىنداردىڭ تىكەلەي قاتىسۋىمەن ماسەلەلەردى وزدىگىنەن شەشۋ ءۇشىن بارلىق جاعدايلار جاسالعان»، - دەپ اتاپ ءوتتى ا. باتالوۆ.
سونداي-اق جيىندا ءماسليحاتتاردىڭ قالىپتاسۋى مەن دامۋ تاريحىنداعى ەلەۋلى وقيعالار تۋرالى دەرەكتى فيلم كورسەتىلدى.
سالتانات سوڭىندا الماتى وبلىسىنىڭ اكىمى دەپۋتاتتاردى «قازاقستان رەسپۋبليكاسى ءماسليحاتتارىنا 20 جىل» مەرەيتويلىق مەدالىمەن، قۇرمەت گراموتالارىمەن جانە العىس حاتتارمەن ماراپاتتادى. جينالعان قاۋىم نازارىنا ءسۇيىنباي اتىنداعى وبلىستىق فيلارمونيانىڭ ارتىستەرى مەن شىعارماشىلىق ۇجىمدارى ازىرلەگەن كونسەرت ۇسىنىلدى.
