پەتروپاۆلدا سۇڭگۋىرلەر 20 اققۋدى قۇتقاردى - فوتو
جىلى جاققا ۇشىپ كەتۋگە قۇستاردىڭ قاناتتارى قاتايا قويماعان، مۇز قۇرساۋىندا قالۋى ابدەن مۇمكىن ەدى. ولاردى بوتانيكالىق باققا جەتكىزدى.
بىرنەشە جىل بويى قاداعالاعان تابيعاتتى قورعاۋ ۇيىمدارىنىڭ ماماندارى كەيبىر اققۋلاردىڭ سولتۇستىك وڭىردەن جىلى جاققا كەتۋگە اسىقپايتىنىن بايقاعان.
«اققۋلار 3-تەن 5 كە دەيىن جۇمىرتقا سالادى، جىل سايىن سۋ قويماسىنان شامامەن 15 شاقتىسىن بايقايمىز. جىلدان-جىلعا بىرنەشە جۇپ ۇيا سالعان ورنىنا ۇشىپ كەلەدى.
ولار كەش جۇمىرتقالاپ، بالاپاندى كەشىكتىرىپ شىعاراتىن سىڭايلى. سودان سۋىق تۇسكەن كەزدە بۇل قۇستاردىڭ قاناتتارى بەكىمەي، جىلى جاققا ۇشا الماي قالادى»، - دەپ حابارلادى س ق و ورمان جانە اڭشىلىق شارۋاشىلىعى اۋماقتىق ينسپەكتسياسىنىڭ ينسپەكتورى ولەگ باسپالوۆ.
