قاراعاندى پوليتسەيلەرى تاكسي سالونىنان 20 كەلى گەروين تاپتى

 «5- قىركۇيەكتە ق ر ءى ءى م ەسىرتكى بيزنەسىمەن كۇرەس كوميتەتىنىڭ قىزمەتكەرلەرى قاراعاندى وبلىسىنىڭ «تەمىرتاۋ-وساكاروۆكا» اۆتوجولىنداعى ارىپتەستەرىمەن بىرلەسىپ تەمىرتاۋدان 3 شاقىرىم جەردەن 45 جاستاعى ەر ادام باسقارىپ كەلە جاتقان «Nexia Ns 150» كولىگىن ۇستادى. ماشينا سالونىندا ەكى جولاۋشى بولعان. تەكسەرۋ بارىسىندا جۇك سالعىشتان ەكى پوليەتيلەن پاكەتكە ورالعان اق ءتۇستى زات سالىنعان جول سومكەسى تابىلدى»، - دەلىنگەن حابارلامادا.

جۇرگىزىلگەن ساراپتاماعا سايكەس پاكەتتە جالپى سالماعى 20 كەلىدەن اساتىن گەروين تابىلدى.

«34 جاسار تاكسي جولاۋشىسى ۇستالىپ، تەرگەۋ وقشاۋلاعىشىنا قامالدى. وعان قاتىستى ق ر ق ك 259-بابى («ەسىرتكى زاتتاردى نەمەسە پسيحوتروپتىق زاتتاردى زاڭسىز دايىنداۋ، وڭدەۋ، يەمدەنىپ الۋ، ساقتاۋ، تاسىمالداۋ، جونەلتۋ نەمەسە ساتۋ») بويىنشا قىلمىستىق ءىس قوزعالدى، تەرگەۋ جۇرگىزىلۋدە»، - دەلىنگەن حابارلامادا.

ۆەدومستۆونىڭ باسپا ءسوز قىزمەتىنىڭ اقپاراتىنا سۇيەنسەك، وسى كۇنى «رۋبەج-سوكۋر» ستاتسيونارلىق كۇزەتىنەن وبلىستىق ءى ءى د ە ك ب قىزمەتكەرلەرى جامبىل وبلىسى شۋ اۋدانىنىڭ 30 جاستاعى تۇرعىنىنىڭ چەمودانىنان وراۋلى جاسىل ءتۇستى زات تاپتى. ساراپتاما ونىڭ 14 كەلى گاشيش ەكەنىن انىقتادى.

«جولاۋشى ۋاقىتشا ۇستاۋ وقشاۋلاعىشىنا قامالدى. وعان قاتىستى قىلمىستىق ءىس قوزعالىپ، تەرگەۋ جۇرگىزىلۋدە. ەر ادام گاشيشتى استاناعا اپارىپ ساتپاقشى بولعانىن مويىندادى»، - دەپ قوستى وبلىستىڭ ءى ءى د باسپا ءسوز قىزمەتىنەن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى