ءبىر اۋلەتتە 205 جىلدىڭ ىشىندە العاش رەت قىز بالا دۇنيەگە كەلدى
استانا. قازاقپارات - بريتانيانىڭ كەنت گرافتىعىنداعى لوري وتباسىندا 205 جىلدىڭ ىشىندە العاش رەت قىز بالا دۇنيەگە كەلدى، دەپ حابارلايدى The Daily Mail. مايلا ەسىمدى قىز بالا 2014-جىلدىڭ قازان ايىندا دۇنيەگە كەلگەن، الايدا وتباسى ءۇشىن وتە قۋانىشتى وقيعا تۋرالى لوري وكىلدەرى تەك تاياۋدا عانا مالىمدەگەن.
لوري وتباسىنىڭ وتكەن بەس ۇرپاعىندا دۇنيەگە تەك ۇل بالالار كەلەتىن. باسىلىمنىڭ اتاپ وتۋىنشە، بۇل اۋلەتتە قىز بالا سوڭعى رەت 1809-جىلى، ۇلى بريتانيادا كورولى گەورگ ІІІ، فرانسيادا - ناپولەون بوناپارت بيلىك ەتكەن كەزدە دۇنيەگە كەلگەن كورىنەدى.