عالىمدار: 2050 - جىلعا قاراي ادامزاتتىڭ جارتىسى الىستان كورمەيتىن بولادى

زەرتتەۋشىلەردىڭ ايتۋىنشا، 2050 - جىلعا قاراي جەر شارى تۇرعىندارىنىڭ جارتىسى الىستان كورمەيتىن بولادى. ال كەيبىرەۋلەرى كورۋ قابىلەتىنەن مۇلدەم ايىرىلۋى مۇمكىن.

عالىمدار تاجىريبەگە 2 ميلليونعا جۋىق ادامدى تارتتى. ولاردىڭ كورۋ قابىلەتتەرى بويىنشا دەرەكتەر 1995 - 2010 - جىلدار ارالىعىندا جينالدى.

مامانداردىڭ سوزىنە قاراعاندا، 2000 - جىلى جەر تۇرعىندارىنىڭ % 22,9 الىستان كورمەۋ اۋرۋىنان زارداپ شەكتى. بۇل شامامەن 1,4 ميلليارد ادام.

ال 34 جىلدان كەيىن، 2050 - جىلى تۇرعىنداردىڭ % 49,8 (4,758 ميلليارد ادام) بۇل ماسەلەگە تاپ بولۋى مۇمكىن. ولاردىڭ شامامەن ميللياردىندا جاعداي اۋىر بولماق.

عالىمدار تەحنولوگيالار مەن ۋربانيزاتسيا الىستان كورمەيتىندەردىڭ قاتارىن ارتتىراتىنىن ەسكە سالدى. دەگەنمەن، ءوز دەنساۋلىعىن باقىلاپ، كۇنىنە شامامەن 2 ساعات دالادا تازا اۋا جۇتىپ گادجەتتەن اۋلاق جۇرسە ميوپيانىڭ (الىستان كورمەۋ) دامۋىن باسەڭدەتۋى مۇمكىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى