ءال-فارابي اتىنداعى قازاق ۇلتتىق ۋنيۆەرسيتەتىندە «قازاقستان-2050» اقپاراتتىق-ءبىلىم ورتالىعى اشىلادى
دوڭگەلەك ۇستەل بارىسىندا الماتى قالاسى اكىمدىگىنىڭ، ۇكىمەتتىك ەمەس ۇيىمداردىڭ وكىلدەرى، جوعارى وقۋ ورىندارىنىڭ وقىتۋشىلارى، ستۋدەنتتەر مەملەكەت باسشىسى ۇسىنعان بەس ينستيتۋتسيونالدىق رەفورمالاردى جۇزەگە اسىرۋ تەتىكتەرىن تالقىلادى.
كەزدەسۋ قورىتىندىسىمەن قاتىسۋشىلار ق ا ز ۇ ۋ جۋرناليستيكا فاكۋلتەتىنىڭ بازاسىندا «قازاقستان-2050» رەسپۋبليكالىق اقپاراتتىق-ءبىلىم ورتالىعىن اشۋ جونىندە شەشىم قابىلدادى.
بۇل ورتالىق - مەملەكەت باسشىسى «قازاقستان-2050» ستراتەگياسىندا بەلگىلەگەن قازاقستاندىق ۇلتتىق ءبىرتۇتاستىعىن، ازاماتتاردىڭ سانالىلىعىن جانە «ماڭگىلىك ەل» قۇندىلىقتارىن دامىتۋعا ارنالعان كوممۋنيكاتيۆتىك، ديالوگ الاڭى بولماق.
«ورتالىق قىزمەتى پاتريوتتىق رۋحتا تاربيەلەنگەن زاماناۋي كرەاتيۆتى جەكە ادام رەتىندە ينتەرناتسيونالدىق جاستاردى دامىتۋعا ىقپال ەتەتىن اقپاراتتىق جانە اعارتۋشىلىق ورتانى قالىپتاستىرۋعا باعىتتالاتىن بولادى. جاستاردىڭ ءبىلىم دەڭگەيى مەن بىلىكتىلىگىن ارتتىرۋعا، ولاردىڭ اراسىندا تاعاتتىلىق احۋالىن قۇرۋعا ىنتالاندىرۋ باستى مىندەت بولماق»، - دەپ اتاپ ءوتتى ق ا ز ۇ ۋ باسپا جانە ەلەكتروندى ب ا ق كافەدراسىنىڭ مەڭگەرۋشىسى، ساياسي عىلىمدار دوكتورى، پروفەسسور گۇلميرا سۇلتانبايەۆا.
ونىڭ ايتۋىنشا، بۇل ماقساتتار مەن مىندەتتەرگە قول جەتكىزۋ ءۇشىن ورتالىقتا ءارتۇرلى جوبالاردى جۇزەگە اسىرۋ جوسپارلانۋدا. ولاردىڭ اراسىندا «Vision - 2050» ستراتەگيالىق اقپاراتتىق ناۋقانىن، «Voices of Youth» رەسپۋبليكانىڭ اۋىل جانە قالا جاستارى قاتىسۋىمەن اۋديوفورۋم، «جاسىل دامۋ-2050» تابيعات اياسىنداعى پىكىر-سايىس» فورماتىندا كەزدەسۋلەر، «اقىلدى ەكونوميكا» تاقىرىبىندا تەلەكوپىر، «بولاشاعىڭدى باسقار!» جاستار ينتەرناتسيونالدىق فورۋمىن جانە «ماڭگىلىك ەل» ستۋدەنتتىك عىلىمي-ەتنوگرافيالىق ەكسپەديتسيا ۇيىمداستىرۋ كوزدەلۋدە.
