ب. مايلىبايەۆ: «قازاقستان-2050» ستراتەگياسى - بۇل ەلىمىزدىڭ كوشباسشىلىق باعدارلاماسى

شاراعا قازاقستاننىڭ تۇكپىر-تۇكپىرىنەن كەلگەن عالىمدار، وقىتۋشىلار، ساراپشىلار، ساياساتتانۋشىلاردان قۇرالعان 100-دەن استام دەلەگات قاتىستى.

ق ر پرەزيدەنتى اكىمشىلىگى باسشىسىنىڭ ورىنباسارى ب. مايلىبايەۆ: «2050 ستراتەگياسى» - بۇل ەلدىڭ كوشباسشىلىق باعدارلاماسى، «نازاربايەۆ مودەلىن» جۇزەگە اسىرۋدىڭ جاڭا كەزەڭى. بۇگىندە مەملەكەت پەن قوعام بار كۇش-جىگەرىن «قازاقستان-2050» ستراتەگياسىنىڭ نەگىزگى مىندەتتەرىن ورىنداۋعا باعىتتادى»، - دەپ اتاپ ءوتتى.

سپيكەرلەر رەتىندە فورۋمعا ق ر مادەنيەت جانە سپورت ۆيتسە-ءمينيسترى مارات ءازىلحانوۆ، م. ۆ. لومونوسوۆ اتىنداعى م م ۋ قازاقستاندىق فيليالىنىڭ ديرەكتورى الەكساندر سيدوروۆيچ، «نۇر وتان» پارتياسىنىڭ حاتشىسى فارحاد قۋانعانوۆ، «قازاقستان ساياساتتانۋشىلار كونگرەسى» ر ق ب باسقارما ءتورايىمى جانارگۇل قوسمانعاليەۆا جانە م. ۆ. لومونوسوۆ اتىنداعى م م ۋ اقپاراتتىق-ساراپتامالىق ورتالىعى باس ديرەكتورىنىڭ ورىنباسارى يۋليا ياكۋشيەۆا قاتىستى.

فورۋمدا 2014-جىلى «قازاقستان-2050» ستراتەگياسىنىڭ جۇزەگە اسۋى تالقىلاندى.

فورۋمعا قاتىسۋشىلار قوعامنىڭ ساياسي جانە الەۋمەتتىك جاعىنان نىعايۋىنىڭ ماڭىزدىلىعىن، «قازاقستان - 2050» ستراتەگياسىن جۇزەگە اسىرۋدا جانە ماقساتتارعا جەتۋدە قازاقستاندىق ساياسي جانە الەۋمەتتىك عىلىم ءرولىن ارتتىرۋ ءۇشىن عىلىمي ستاندارتتاردى قۇرۋدىڭ ماڭىزدىلىعىن ايتتى.

سونىمەن قاتار، قاتىسۋشىلار قازاقستاننىڭ 30 ەڭ دامىعان ەلدىڭ قاتارىنا كىرۋ ۇدەرىسىنە عىلىمي جانە ساراپشىلار قاۋىمداستىعى وكىلدەرىن جۇمىلدىرۋ - مەملەكەت پەن قوعامدى ءارى قاراي دامىتادى دەگەن سەنىمدە.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى