ەلدىڭ وڭتۇستىك وڭىرلەرىنىڭ حالقى 2050-جىلعا قاراي 5,2 ميلليون ادامعا ءوسۋى مۇمكىن

دەپۋتاتتىڭ ايتۋىنشا، قازىرگى جاعداي وسى قالپىندا ساقتالسا، 2050-جىلعا قاراي ەلدىڭ وڭتۇستىك ايماقتارىنىڭ حالقى 5,2 ميلليون ادامعا ءوسۋى مۇمكىن، ال سولتۇستىك ايماقتاردىڭ حالقى 1 ميلليون ادامعا ازايۋى ىقتيمال. بۇل ءوز كەزەگىندە دەموگرافيالىق تۇرعىدا تەڭگەرىمسىز جاعدايعا الىپ كەلەدى.

سونىمەن قاتار ول جۇمىس كۇشى جەتىسپەيتىن وڭىرلەرگە قازاقستاندىقتاردى كوشىرۋ باعدارلاماسى سالاداعى جاعدايدى جاقسارتۋعا باعىتتالعانىن ەسكە سالدى. الايدا، مەملەكەتتىك باعدارلامالاردىڭ شارتتارىنا، ۋادە ەتىلگەن مەملەكەتتىك قولداۋدىڭ دەڭگەيى مەن ساپاسى جاڭا جەرگە كوشكەن ازاماتتاردىڭ كوڭىلىن كونشىتپەي وتىر. ويتكەنى بەرىلگەن ۋادە تولىق كولەمدە جانە ۋاقىتىندا جۇزەگە اسىرىلمايدى. سونىڭ سالدارىنان كەيبىر وتباسىلار بۇرىن كەلگەن ايماقتارىنا قايتا ورالىپ جاتىر.

دەپۋتات ەلىمىز ءۇشىن ستراتەگيالىق ماڭىزدى ماسەلەنى ۇلتتىق قاۋىپسىزدىك تۇرعىسىنان قاراستىرۋعا شاقىردى.

«قونىس اۋدارعانداردى وڭىردە تۇراقتاندىرۋعا ىنتالاندىرۋ ءۇشىن بۇل وبلىستاردا تارتىمدى الەۋمەتتىك-ەكونوميكالىق جاعداي جاساۋ كەرەك. مەملەكەتتىك باعدارلامالار وڭىرلەردى كەشەندى دامىتۋ ارقىلى جۇزەگە اسۋى ءتيىس. «سەرپىن-2050» باعدارلاماسى اياسىندا بارلىق ماماندىق بويىنشا گرانتتار سانىن كوبەيتۋ قاجەت. ەڭبەك تاپشىلىعى بار وڭىرلەرگە كوشىپ كەلگەن وتباسىلاردان شىققان جاستارعا وسى ءبىلىم بەرۋ باعدارلاماسىنا قاتىسۋ مۇمكىندىگىن قاراستىرۋ كەرەك»، - دەدى سەرىك وتەشوۆ ۇكىمەت باسشىسى ءاليحان سمايىلوۆتىڭ اتىنا جولداعان ساۋالىندا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى