سەمەي قالاسىنىڭ 2035-جىلعا دەيىنگى باس جوسپارى جاسالادى
مەملەكەت باسشىسى قاسىم-جومارت توقايەۆتىڭ تاپسىرماسىنا سايكەس سەمەي قالاسى استانا، الماتى، شىمكەنت جانە اقتوبە سياقتى ساۋدا-لوگيستيكا، ينۆەستيتسيا ورتالىعىنا اينالىپ، ءومىر سۇرۋگە ىڭعايلى قالا بولۋعا ءتيىس.
وسى ورايدا اباي وبلىسىنىڭ اكىمى نۇرلان ۇرانحايەۆ 2035-جىلعا دەيىنگى دامۋ كەزەڭىن قامتيتىن سەمەي قالاسىنىڭ باس جوسپارىن دايىنداۋدى قالا اكىمدىگى مەن سالالىق باسقارما باسشىلارىنا تاپسىردى.
«سەمەيدىڭ گەوگرافيالىق جاعدايى ونىڭ جوعارى ترانزيتتىك الەۋەتكە يە بولۋ مۇمكىندىگىن، سونداي-اق ونى پاۆلودار-سەمەي-وسكەمەن ونەركاسىپ بەلدەۋىنىڭ يننوۆاتسيالىق ورتالىعى رەتىندە قاراستىرۋعا مۇمكىندىك بەرەدى.
سەمەي - مادەني-تاريحي ماڭىزعا يە قالا. سونداي-اق جاڭا مارتەبە الا وتىرىپ، سەمەي بولاشاقتا ەلىمىزدىڭ كرەاتيۆتى قالالارىنىڭ بىرىنە اينالۋى مۇمكىن. سەمەي قالا كەڭىستىگىن جوسپارلاۋدىڭ زاماناۋي تاسىلدەرىن پايدالانعان كەزدە سولتۇستىك-شىعىس جانە شىعىس قازاقستان حالقى ءۇشىن تارتىلىس نۇكتەسىنە اينالادى»، - دەلىنگەن اكىمدىك مالىمەتىندە.
