قىتاي 2035-جىلى ەڭ ءىرى مۇناي تۇتىنۋشىسى اتانادى

استانادا ءوتىپ جاتقان KAZENERGY فورۋمىندا باس قوسقان سارابدال ساياساتكەرلەر مەن بىلىكتى ساراپشىلار وسىنداي بولجامدارىن ورتاعا سالدى.

قۇبىلعان مۇناي قۇنى قاشان تۇراقتايدى؟ قارا التىننىڭ بارەلى شىن مانىندە قانشا بولۋى ءتيىس؟ شيكىزاتتىڭ ارزانداۋى ۇلتتىق كومپانيالارعا راسىمەن دە اۋىر تيە مە؟ ماماندار وسىنداي وزەكتى ساۋالداردىڭ جاۋابىن بىرگە ىزدەمەك.

سپيكەرلەردىڭ ايتۋىنشا، الەمدىك مۇناي نارىعى ا ق ش- تا وندىرىلەتىن مۇناي وندىرىسىندەگى ءوسىمنىڭ اسەرىنەن ءالى بىرنەشە جىل تۇراقسىز بولادى. الايدا تاياۋ شىعىس شيكىزاتى ءوز پوزيتسياسىن ءبىرشاما جىلداردىڭ ىشىندە نىعايتادى.

گاز ەكسپورتتاۋشى ەلدەردىڭ فورۋمىمەن ءوزارا ءىس-قيمىل بويىنشا ر ف پرەزيدەنتىنىڭ ارنايى وكىلى ۆيكتور زۋبكوۆ تىلشىلەرىمىزگە بەرگەن سۇحباتىندا قارا التىننىڭ ارزانداۋى مۇناي-گاز سالاسىنا تارتىلعان ينۆەستيتسيالاردىڭ ازايۋىنا اكەپ سوعاتىنىن ايتىپ، بارىنە ءتيىمدى باعاعا قاتىستى پىكىرىن ءبىلدىردى.

ۆيكتور زۋبكوۆ، گاز ەكسپورتتاۋشى ەلدەردىڭ فورۋمىمەن ءوزارا ءىس-قيمىل بويىنشا ر ف پرەزيدەنتىنىڭ ارنايى وكىلى:

- مۇناي باعاسى شيكىزات ءوندىرۋشى كومپانيالاردىڭ ينۆەستيتسيالىق باعدارلامالارىن ىسكە اسىرۋعا مۇمكىندىك بەرەتىندەي قولايلى بولۋى ءتيىس. مەنىڭ ويىمشا، بۇل بارەللىنە 60-65 دوللار. بۇل تاراپتا بۇگىنگىدەي ديالوگ الاڭدارى اسا ماڭىزدى. جاعدايدى اقىلعا سالىپ شەشۋ كەرەك. باعا تۇراقتانعاندا عانا بولاشاققا جوسپار قۇرۋعا بولادى.

24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى