پرەزيدەنت ءدىن كوشباسشىلارى سەزىن دامىتۋدىڭ 2033-جىلعا دەيىنگى تۇجىرىمداماسىن ازىرلەۋدى ۇسىندى
«سونداي-اق، مەن الەمدىك جانە ءداستۇرلى دىندەر ليدەرلەرى سەزىن دامىتۋدىڭ 2023-جىلدان 2033-جىلعا دەيىنگى كەزەڭگە ارنالعان تۇجىرىمداماسىن ازىرلەۋ قاجەت دەپ ەسەپتەيمىن. بۇل تۇجىرىمداما ءبىزدىڭ فورۋمنىڭ ىقپالىن ودان ءارى نىعايتۋ ءۇشىن ناقتى قادامدار مەن كەزەڭدەردى قامتۋى ءتيىس»، - دەدى مەملەكەت باسشىسى.
پرەزيدەنت قازاقستاننىڭ سەزد قىزمەتىنە قولداۋ كورسەتە بەرەتىنىن اتادى.
«ءبىزدىڭ مىندەتىمىز - وركەنيەتتەر اراسىندا اشىق ديالوگتى قامتاماسىز ەتۋ جانە ىلگەرىلەتۋ، بەيبىتشىلىك پەن تۇراقتىلىقتى نىعايتۋ. سىزدەرگە تاعى دا العىسىمدى ءبىلدىرىپ، بەيبىتشىلىك، ىنتىماقتاستىق جانە توزىمدىلىك ءۇشىن بىرگە جۇمىس ىستەيىك دەگەن ۇندەۋ ايتقىم كەلەدى»، - دەدى قاسىم-جومارت توقايەۆ.
