قازاقستان 2030-جىلعا قاراي سپيت اۋرۋىن توقتاتۋعا قاۋقارلى بولادى

بۇل تۋرالى بۇگىن استانادا وتكەن باسپا ءسوز ءماسليحاتىندا ب ۇ ۇ باس حاتشىسىنىڭ ورىنباسارى، يۋنەيدس (ب ۇ ۇ ا ي ت ۆ/ج ي ت س جونىندەگى بىرىككەن باعدارلاماسىنىڭ) اتقارۋشى ديرەكتورى ميشەل سيديبە ءمالىم ەتتى.

«ج ي ت س- پەن كۇرەس بويىنشا ب ۇ ۇ باعدارلاماسى باس اسسامبلەيادا 2030-جىلعا قاراي بارشا الەمدە ج ي ت س- ءتى توقتاتۋ ماقساتىن قويدى جانە بۇل مىندەتتى بارلىق مەملەكەتتەر قابىلدادى. قازاقستاندا بۇل ماقساتقا ايتارلىقتاي ەرتەرەك قول جەتكىزۋ ءۇشىن بارشا مۇمكىندىكتەر بار»، - دەدى م. سيديبە.

سونىمەن قاتار ول 2030-جىلعا قاراي ورتالىق ازيانىڭ بارلىق ەلدەرىندە دە اۋرۋدى جەڭۋگە مۇمكىندىك بار ەكەندىگىن اتاپ ءوتتى.

«مەنىڭ ويىمشا، ورتالىق ازيا ەلدەرى بۇنداي دەڭگەيگە جەتۋگە قاۋقارلى. وسى رەتتە قاجەتتى تەتىكتەر، ءتيىستى ءبىلىم مەن اقپارات بار. سوندىقتان ىندەتتى توقتاتۋ ءۇشىن مۇمكىندىكتەر بارشىلىق»، - دەدى م. سيديبە.

مامانداردىڭ ايتۋىنشا، ينەكتسيالىق ەسىرتكىنى پايدالانۋ ارقىلى اۋرۋلاردى جۇقتىرۋ پروبلەماسىن شەشۋگە ەرەكشە نازار اۋدارۋ قاجەت. ستاتيستيكا بويىنشا شىعىس ەۋروپا، سونداي-اق ورتالىق ازيادا ا ي ت ۆ- نى جۇقتىرۋ وقيعالارىنىڭ 51 پايىزى ينەكتسيالىق ەسىرتكىنى پايدالاناتىن ادامدار اراسىندا ورىن الۋدا.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى