وزبەكستان حالقىنىڭ سانى 2030-جىلعا قاراي 41 ميلليوننان اسادى

وزبەكستان رەسپۋبليكاسىنىڭ بولجاۋ جانە ماكروەكونوميكالىق زەرتتەۋلەر ينستيتۋتىنىڭ مالىمەتىنشە، كوپتەگەن ەلدەردە حالىقتىڭ قارتايۋىنىڭ جاھاندىق پروبلەماسى ارتىپ جاتقاندا وزبەكستاندا دەموگرافيالىق جاعدايدىڭ جاسارۋ پروتسەسى ءجۇرىپ جاتىر.

2022-جىلدىڭ باسىنا قاراي وزبەكستان رەسپۋبليكاسىنداعى حالىق سانى 35,3 ميلليون ادامدى قۇرادى، بۇل وتكەن جىلمەن سالىستىرعاندا 712 مىڭ ادامعا (%2,1) كوپ.

حالىقتىڭ بۇل ءوسىمى، ءولىم-ءجىتىم كورسەتكىشىنىڭ تومەن جانە تۋۋ كورسەتكىشىنىڭ سالىستىرمالى تۇردە جوعارى بولۋىنا بايلانىستى.

ماسەلەن، 2021-جىلى 905 مىڭ بالا دۇنيەگە كەلگەن.

سوڭعى بەس جىلدا تۋۋ كورسەتكىشىنىڭ جوعارىلاعانى بايقالدى.

تۋۋدىڭ جالپى كوەففيتسيەنتى (ءبىر ايەلگە شاققانداعى بالا سانى) 2016-جىلعى 2,46 بالادان 2021-جىلى 3,17 بالاعا دەيىن ءوستى.

بالا تۋۋدىڭ كۇرت ءوسۋى نەگىزىنەن 25 پەن 39 جاس ارالىعىنداعى ايەلدەردە بايقالدى.

«دەموگرافيالىق بولجامدارعا سايكەس، 2030-جىلعا دەيىن تۋعاندار سانى بۇرىنعى دەڭگەيدە قالادى (ورتا ەسەپپەن 900-950 مىڭ)، ال حالىق سانى 41 ميلليون ادامنان اسادى. 2030-جىلعا قاراي حالىقتىڭ جاس قۇرىلىمىنىڭ وزگەرۋى ناتيجەسىندە 18 جاسقا دەيىنگى جاستار مەن ەڭبەككە جارامدى جاستاعى ەرەسەكتەردىڭ سانى سايكەسىنشە 2,4 ميلليون جانە 1,4 ميلليون ادامعا دەيىن ارتادى دەپ كۇتىلىپ وتىر»، - دەيدى ساراپشىلار.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى