قازاقستان حالقىنىڭ سانى 2030 - جىلعا قاراي 20,3 ميلليون ادامنان اسادى - ت. دۇيسەنوۆا

بۇگىن ءماجىلىستىڭ الەۋمەتتىك-مادەني دامۋ كوميتەتىنىڭ ۇيىمداستىرۋىمەن ءوتىپ جاتقان كوشى-قون ۇدەرىستەرىنە ارنالعان دوڭگەلەك ۇستەل بارىسىندا دەنساۋلىق ساقتاۋ جانە الەۋمەتتىك دامۋ ءمينيسترى تامارا دۇيسەنوۆا وسىلاي مالىمدەدى.

ءمينيستردى ايتۋىنشا، الداعى ون سەگىز جىلدا قازاقستان حالقىنىڭ سانى 3,3 ميلليون ادامعا نەمەسە 20 پايىزعا ارتاتىنى بولجانادى.

«سالىستىرمالى تۇردە بولجامداردى قاراساق، 2030 - جىلعا قاراي دامىعان ەلدەردە حالىقتىڭ ءوسىمى باياۋلاپ بۇل كورسەتكىش 6-3 پايىزدى عانا قۇرايتىنى بولجانادى. حالىق ءوسىمىنىڭ باياۋلاۋى ا ق ش، كانادا جانە اۆستراليادان باسقا ەلدەردە كورىنىس بەرەدى جانە وسى ەلدەردەن باسقا دامىعان ەلدەردە 13-16 پايىز شاماسىندا حالىق ءوسىمى بولجانادى.

رەسەيدە بۇل كورسەتكىش 3-4 پايىزعا تومەندەيدى، ال قىتايدا 3-4 پايىز ءوسىم، برازيليادا 10-12 پايىز، ءۇندىستاندا 20 پايىزعا بولجانادى. سونىمەن قاتار، حالىقارالىق ساراپشىلاردىڭ بولجامىنا سايكەس، ءۇندىستان 2030 -جىلعا تامان حالىق ءوسىمى جاعىنان قىتايدى باسىپ وزاتىن بولادى»، - دەدى تامارا دۇيسەنوۆا.

اۆتور: قانات مامەتقازى ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى