الماتىداعى ل ر ت جەلىسى 2027 -جىلى ىسكە قوسىلادى
بۇل تۋرالى «قالانى دامىتۋدىڭ 2025 -جىلعا دەيىنگى باعدارلاماسىن جانە 2030 -جىلعا دەيىنگى ورتا مەرزىمدى پەرسپەكتيۆالارىن» بەكىتۋ بويىنشا ءماسليحاتتىڭ كەزەكتەن تىس سەسسياسىندا اكىم ورىنباسارى اسقار امرين ايتتى، دەپ حابارلايدى قازاقپارات ءتىلشىسى.
سپيكەردىڭ سوزىنشە، الەمنىڭ ءىرى قالالارىندا ازاماتتار نەگىزىنەن جۇردەك كولىك - مەترو، LRT، BRT جۇرەدى. اۆتوبۋس، ۆەلوسيپەد، ساموكات قىسقا قاشىقتىققا ءجۇرۋ ءۇشىن قولدانىلادى.
«2025 -جىلعا دەيىن قولدانىستاعى BRT جەلىسى «شىعىس قاقپاسى» پوليورتالىعىنا دەيىن ۇزارتىلىپ، رايىمبەك داڭعىلى بويىمەن جاڭا BRT جەلىسى ىسكە قوسىلادى. 2025 -جىلى قالقامان مەترو ستانساسى پايدالانۋعا بەرىلىپ، باتىس باعىتتاعى كەلەسى ءۇش ستانسانىڭ قۇرىلىسى باستالادى. 2027 -جىلعا قاراي تولە بي كوشەسىنىڭ بويىندا جۇردەك جەڭىل رەلستى جولدىڭ ءبىرىنشى جەلىسىن ىسكە قوسامىز»، - دەدى اكىم ورىنباسارى.
سونىمەن قاتار ول ارنايى جولاقتاردى ەنگىزۋ جانە ينتەللەكتۋالدى كولىك جۇيەسىن دامىتۋ ارقىلى اۆتوبۋستار مەن تروللەيبۋستاردىڭ سانى ارتاتىنىن تىلگە تيەك ەتتى.
بۇعان دەيىن قالا اكىمى ەربولات دوسايەۆ الماتىعا LRT جەلىسى كەرەك ەكەنىن ايتىپ، ونى سالۋ ماسەلەسى قازاننىڭ باسىنا دەيىن شەشىلەتىنىن ايتقان بولاتىن.
LRT جەلىسىنىڭ قۇرىلىسى 2020 -جىلعا جوسپارلانعان بولاتىن. جوبانىڭ ينۆەستيتسيالىق قۇنى - 94 203 ملن تەڭگە. سونىمەن قاتار، اكىمدىك جەڭىل رەلستى كولىك جەلىسىن سالۋ ءۇشىن جولدا ورنالاسقان قاجەتتى جەر تەلىمدەرىن ساتىپ الماق بولعان.
اۆتور الما مۇقانوۆا
