قازاقستاندا 2027-جىلعا قاراي ايەلدەر 63 جاستان زەينەتكەرلىككە شىعادى
ولاردىڭ ەڭبەك قىزمەتىنىڭ ەرەكشەلىگىن ەسكەرگەن ءجون. بۇل جۇمىسىنىڭ جالعاسپاي قالعان كەزەڭىنە، جالاقى كولەمىنىڭ تومەندەۋ بولۋىنا قاتىستى، دەپ جازادى ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ رەسمي سايتى.
زەينەتكەرلىك جاستى بىرەگەيلەندىرۋ - ايەلدەردى زەينەتاقىمەن قامتاماسىز ەتۋ دەڭگەيىن كوتەرۋگە باعىتتالعان شارالاردىڭ ءبىرى. قازاقستاندا 2015-جىلى زەينەتاقى زاڭناماسى وزگەرتىلگەننەن كەيىن، 2018-جىلدان باستاپ كەزەڭ-كەزەڭمەن ءار 6 اي سايىن ايەلدەردىڭ زەينەتكەرلىك جاسى كوتەرىلىپ جاتىر. 2027-جىلعا قاراي ولاردىڭ زەينتەكەرلىككە شىعۋ جاسى ەرلەردىڭ زەينەتكەرلىك جاسىمەن تەڭەسىپ، 63 جاستى قۇرايتىن بولادى.
2018-جىلى ءبىرىنشى كەزەڭدە ايەلدەردىڭ زەينەتكەرلىككە شىعۋ جاسى 2017-جىلمەن سالىستىرعاندا 6 ايعا ۇزارتىلىپ، 58,5 جاستى قۇرادى. ەرلەر ءۇشىن زەينەتكەرلىككە شىعۋ جاسى بۇرىنعىسىنشا 63 جاس بولىپ قالدى. سايكەسىنشە، 1960-جىلدىڭ ءبىرىنشى جارتىسىندا تۋعان ايەلدەر، 2018-جىلدىڭ ەكىنشى جارتىسىندا زەينەتكەرلىككە شىقتى.
2019-جىلدىڭ 1- قاڭتارىنان باستاپ ايەل ازاماتتاردىڭ زەينەتكەرلىككە شىعۋ جاسى تاعى 6 ايعا ۇزارىپ، 59 جاستى قۇرادى. اعىمداعى جىلى 1960-جىلدىڭ ەكىنشى جارتىسىندا تۋعان ايەلدەر زەينەتكەرلىككە شىعادى.
مۇنىمەن قاتار 2018-جىلدىڭ 1- شىلدەسىنەن باستاپ بازالىق زەينەتاقى بەلگىلەۋدىڭ جاڭا ادىستەمەسى ەنگىزىلىپ وتىر. بازالىق زەينەتاقىنى ەسەپتەۋ جۇيەسى وزگەرىپ، وعان سايكەس بازالىق زەينەتاقى كولەمى ارتتى. جاڭا جۇيە بويىنشا ونىڭ مولشەرى ەڭبەك وتىلىنە قاراي وزگەرەتىن بولادى. جۇمىس تاجىريبەسى 1998-جىلدىڭ 1- قاڭتارىنا دەيىن جانە ودان كەيىن دە جيناقتالعان ءوتىلى ەسەپكە الىنادى.
سونداي-اق، زەينەتاقى جۇيەسىندەگى ءوتىلى، بازالىق زەينەتاقىنى ەسەپتەۋدە ەسەپكە الىنادى. وعان 3 جاسقا دەيىن بالا كۇتىمىمەن وتىرعان كەزەڭ، (جالپى العاندا 12 جىلعا دەيىن)، مۇگەدەك-بالانى باعىپ-قاعۋ، اسكەري قىزمەتتەگى جۇبايلاردىڭ بىرگە تۇرۋى (مەرزىمدى اسكەري قىزمەتتەگىلەردەن باسقا)، ولاردىڭ جۇمىسقا تۇرۋ مۇمكىندىگى بولماعان، جەرگىلىكتى جەردەگى ارنايى مەملەكەتتىك قىزمەتكەرلەردىڭ (جالپى العاندا 10 جىلدان اسپاۋى كەرەك) جانە ت. ب.
سونداي-اق، 2014-جىلدان باستاپ جۇمىس ىستەپ جۇرگەن 1 جاسقا دەيىن بالا كۇتىمىمەن دەمالىستا وتىرعان ايەلدەرگە رەسپۋبليكالىق بيۋجەتتەن 10 پايىز مىندەتتى زەينەتاقى جارناسىن سۋبسيديالاۋ ەنگىزىلدى.
2020-جىلدان باستاپ شارتتى-جيناقتاۋشى كومپونەنت ەنگىزىلەدى. ول زەينەتاقى جيناعىنىڭ كولەمىن 5 پايىزدىق مىندەتتى زەينەتاقى جارناسى ەسەبىنەن وسىرۋگە باعىتتالعان. ونى جۇمىس بەرۋشى جۇمىسشىلارىنىڭ پايداسىنا ءوز قاراجاتىنان تولەيدى.
مۇنىڭ ءبارى ايەل ازاماتتارعا زەينەتاقى جيناعىنىڭ كولەمىن جانە ەڭبەك ءوتىلىمىن ارتتىرۋعا مۇمكىندىك بەرەدى. بۇل بازالىق زەينەتاقىنى بەلگىلەۋدە ەسەپكە الىنادى.
وسىلايشا ايەلدەردىڭ ەرتە زەينەتكەرلىككە شىعۋى بارىسىندا بارلىق قولدانىستاعى جەڭىلدىكتەر ساقتالادى:
بىرىنشىدەن، بەس بالا تۋعان جانە 20 جىل ەڭبەك ءوتىلى بار ايەلدەر 53 جاسىندا زەينەتكەرلىككە شىعۋعا قۇقىلى؛
ەكىنشىدەن، توتەنشە جانە رادياتسيالىق تاۋەكەلى بار ايماقتاردا جانە سەمەي يادرولىق سىناق پوليگونىندا 5 جىلدان از ەمەس ۋاقىت تۇرعاندار 45 جاسىندا زەينەتكەرلىككە (20 جىل ەڭبەك ءوتىلى بولۋى كەرەك) شىعادى؛
ۇشىنشىدەن، جيناقتاۋشى زەينەتاقى جۇيەسىنە قاتىسۋشىلار ءۇشىن زەينەتاقى انۋيتەتىن يەلەنۋى جاعدايىندا زەينەتاقى جيناقتارى جەتكىلىكتىلەر 2019-جىلى 51 جاستان زەينەركەرلىككە ەرتە شىعا الادى؛
ايەلدەردىڭ زەينەتكەرلىككە شىعۋ جاسىنىڭ كەستەسى:
2018
58 جاس 6 اي
2019
59 جاس
2020
59 جاس 6 اي
2021
60 جاس
2022
60 جاس 6 اي
2023
61 جاس
2024
61 جاس 6 اي
2025
62 جاس
2026
62 جاس 6 اي
2027
63 جاس
2018-جىلدىڭ 11 ايىنىڭ قورىتىندىسى بويىنشا بيۋجەتتەن بولىنگەن جيىنتىق زەينەتاقىنىڭ ورتاشا كولەمى 81159 تەڭگە، 2017-جىلدىڭ وسى كەزەڭىمەن سالىستىرعاندا زەينەتاقىنىڭ ورتاشا كولەمىنەن 23 پايىزعا ارتىق. (2017-جىلدىڭ 1-جەلتوقسانىندا بيۋجەتتەن جيىنتىق زەينەتاقىنىڭ ورتاشا كولەمى - 65935 تەڭگە). 2018-جىلدىڭ 1- جەلتوقسانىندا جاسى بويىنشا زەينەتاقى الاتىنداردىڭ جالپى سانى - 2172,9 مىڭ ادامدى قۇرادى.
