قاي ەلدەر 2026-جىلعى قىسقى وليمپيادانى وتكىزۋگە ءۇمىتتى؟

2026-جىلعى قىسقى وليمپيادانى وتكىزۋ تۋرالى وتىنىشتەر 2017-جىلدىڭ 16- ناۋرىزى مەن 16- قىركۇيەگى ارالىعىندا قابىلدانعان. 2022-جىلعى اق وليمپيادانى وتكىزۋگە تالاسقان الماتى قالاسى بۇل جولى ءوتىنىش بەرگەن جوق.

8 جىلدان كەيىن وتەتىن جارىستى اۆستريا (گراتس)، كانادا (كالگاري)، جاپونيا (ساپپورو)، شۆەتسيا (ستوكگولم)، شۆەيتساريا (سون)، تۇركيا (ەرزۋرۋم) جانە يتاليا (كورتينا- د'امپەتستسو، ميلان/ تۋرين) ەلدەرى ءوز جەرىندە وتكىزۋگە تالاسادى.

حالىقارالىق وليمپيادا كوميتەتى (ح و ك) جەڭىمپاز قالانى انىقتاۋ ءۇشىن 15 تالاپ بويىنشا باعالاۋ جۇمىستارىن جۇرگىزەدى. اتاپ ايتار بولساق، وعان جالپى جوبا؛ قىسقى ويىنداردىڭ كونتسەپتسياسى جانە سپورت ارەنالارى؛ وليمپيادا قالاشىعى؛ مەديا-ورتالىق؛ سپورتتىق شارالاردى وتكىزۋ تاجىريبەسى؛ قورشاعان ورتا جانە مەتەورولوگيا؛ قوناق ءۇي؛ ترانسپورت؛ دوپينگ-باقىلاۋ؛ قاۋىپسىزدىك؛ تەلەكوممۋنيكاتسيا؛ ەنەرگەتيكا؛ ەلدىڭ سپورتتىق زاڭناماسى جانە ۆيزا؛ باسشىلىق پەن حالىقتىڭ قولداۋى؛ قارجى جانە ماركەتينگ كىرەدى.

2026-جىلعى قىسقى وليمپيادا ويىندارىن وتكىزەتىن قالا 2019-جىلى ميلاندا وتەتىن حوك- تىڭ 132-سەسسياسىندا انىقتالادى.

ايتا كەتەيىك، 2022-جىلعى قىسقى وليمپيادا ويىندارى بەيجىڭدە وتەدى. ال 2024-جىلعى جازعى وليمپپيادا - پاريجدە، 2028-جىلعى وليمپيادا لوس-اندجەلەستە بولادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى