نەگىزگى كاپيتالعا ينۆەستيتسيالار 2026-جىلعا دەيىن 34,6 تريلليون تەڭگەگە جەتەدى - مينيسترلىك
مۇنداي بولجام ۇلتتىق ەكونوميكا مينيسترلىگىنىڭ اشىق تالقىعا شىعارعان قازاقستان رەسپۋبليكاسىنىڭ ينۆەستيتسيالىق ساياساتىنىڭ 2026-جىلعا دەيىنگى دامۋ تۇجىرىمداماسىندا جاسالعان، دەپ حابارلايدى قازاقپارات ءتىلشىسى.
«بولجام بويىنشا 2026-جىلعا قاراي نەگىزگى كاپيتالعا تۇسەتىن ينۆەستيتسيالار 34,6 تريلليون تەڭگەگە دەيىن جەتەدى»، - دەلىنگەن قۇجات جوباسىندا.
ۇسىنىلعان كەستەگە سايكەس، نەگىزگى كاپيتالعا ينۆەستيتسيا 2022-جىلى - 15,9 تريلليون تەڭگە، 2023-جىلى - 18,5 تريلليون تەڭگە، 2024-جىلى - 22,1 تريلليون تەڭگە، 2025-جىلى - 27,7 جانە 2026-جىلى 34,6 تريلليون تەڭگەگە دەيىن ارتادى.
«تۇجىرىمدامادا قامتىلعان قاعيداتتار مەن ق ر ينۆەستيتسيالىق ساياساتىن ىسكە اسىرۋ تاسىلدەرىن تولىق كولەمدە جۇزەگە اسىرۋ 2026-جىلعا قاراي مىناداي ناتيجەلەرگە قول جەتكىزۋگە مۇمكىندىك بەرەدى:
- وڭدەۋ ونەركاسىبىنىڭ نەگىزگى كاپيتالىنا ينۆەستيتسيالار ۇلەسىن نەگىزگى كاپيتالعا ينۆەستيتسيالاردىڭ جالپى كولەمىنەن 13 پايىز دەيىن ۇلعايتۋ (2020-جىلى 8,8 پايىز، 2021-جىلى 11,7 پايىز)؛
- ەكونوميكانىڭ شيكىزاتتىق ەمەس سەكتورلارىنا ينۆەستيتسيالار ۇلەسىن نەگىزگى كاپيتالعا ينۆەستيتسيالاردىڭ جالپى كولەمىنەن 60 پايىز دەيىن ۇلعايتۋ (2020-جىلى 44 پايىز، 2021-جىلعى قاڭتار-شىلدەدە 48 پايىز)؛
- وڭدەۋ ونەركاسىبىنە تىكەلەي شەتەلدىك ينۆەستيتسيا (ت ش ي) ۇلەسىن قازاقستان رەسپۋبليكاسىنداعى ت ش ي جالپى قۇيىلۋىنىڭ 30 پايىزسا دەيىن ۇلعايتۋ (2019-جىلى 14,2 پايىز، 2020-جىلى 18,5 پايىز)؛
- «جاسىل» ەكونوميكانى دامىتۋعا باعىتتالعان ينۆەستيتسيالاردىڭ 2019-جىلعى دەڭگەيگە قاراعاندا 3 ەسە ارتۋى (2019-جىلى 163 ميلليارد تەڭگە، 2020 -جىلى 120 ميلليارد تەڭگە)؛
- وڭدەۋ ونەركاسىبىندەگى نەگىزگى قۇرالداردىڭ توزۋىن 33 پايىزعا دەيىن تومەندەتۋ (2019-جىلى 36,5 پايىز، 2020-جىلى 39,2 پايىز)؛
- ەكونوميكانىڭ باسىم سەكتورلارىنا تارتىلعان ترانسۇلتتىق كومپانيالاردىڭ، ءىرى كومپانيالار مەن «زاكىرلىك ينۆەستورلارمەن» بىرلەسكەن كاسىپورىندار سانى – 20 دان استامدى قۇرايدى (2022- 2026-جىلدار)؛
- ءاربىر 10 مىڭ ادامعا شاققاندا 100 جۇمىس ورنىن قۇرۋ.
تۇجىرىمداماداعى وزگەرتۋلەرگە سايكەس، تىكەلەي شەتەلدىك ينۆەستيتسيا تارتۋعا جاۋاپتى مەكەمەلەر قاتارىنان تاياۋدا تاراتىلعان «زەردە» ۇلتتىق حولدينگى الىنىپ تاستالعان. ونىڭ ورنىنا ستراتەگيالىق جوسپارلاۋ جانە رەفورمالار اگەنتتىگى، ۇلتتىق ستاتيستيكا بيۋروسى جانە «Kazakh Tourism» ۇلتتىق كومپانياسى قوسىلعان.
