كەدەيلىك شەگى 2025 -جىلدان باستاپ مەدياندىق تابىس بويىنشا ايقىندالادى
ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا ۆەدومستۆونىڭ كەڭەيتىلگەن القا ماجىلىسىندە وسىنداي مالىمەت ايتتى، دەپ حابارلايدى قازاقپارات ءتىلشىسى.
«ەكىنشى ستراتەگيالىق باعىت - اتاۋلى الەۋمەتتىك قولداۋدى كۇشەيتۋ. ول الدىن الۋ سيپاتىنداعى اتاۋلى شارالاردى جانە تۋىنداعان الەۋمەتتىك تاۋەكەلدەردىڭ سالدارىن جويۋ ءۇشىن اتاۋلى كومەكتى قامتيتىن بولادى. الەۋمەتتىك قولداۋعا مۇقتاج ادامداردىڭ نىسانالى كونتينگەنتى وتباسىنىڭ تسيفرلىق كارتاسى نەگىزىندە ايقىندالادى»، - دەدى ۆەدومستۆو باسشىسى.
مينيستر 2023 -جىلدىڭ 1-قاڭتارىنان باستاپ بالا كۇتىمى بويىنشا تولەمدەر كەزەڭى ۇلعايتىلعانىن، 2024 -جىلدان باستاپ ۇلتتىق قوردىڭ جىل سايىنعى ينۆەستيتسيالىق تابىسىنىڭ %50 ىن بالالاردىڭ 18 جاسقا تولعانعا دەيىنگى ارنايى جيناقتاۋشى شوتتارىنا اۋدارۋ كوزدەلگەنىن ەسكە سالدى.
«از قامتىلعان وتباسىلارعا الەۋمەتتىك قولداۋدى كۇشەيتۋ ءۇشىن 2025 -جىلدان باستاپ اتاۋلى الەۋمەتتىك كومەك كورسەتۋ ءۇشىن كەدەيلىك شەگى مەديانالىق تابىسقا سۇيەنە وتىرىپ ايقىندالادى. قۇرامىندا مۇگەدەكتىگى بار ادامدار بار وتباسىلار ءۇشىن ارناۋلى الەۋمەتتىك قىزمەتتەردىڭ قولجەتىمدىلىگىن قامتاماسىز ەتۋ جونىندە شارالار قابىلدانادى»، - دەدى تامارا دۇيسەنوۆا.
بۇعان دەيىن دە كەدەيلىك شەگى ەندى مەدياندىق تابىس دەڭگەيى ارقىلى انىقتالاتىندىعى ايتىلدى.
