ەلوردا تۇرعىندارىنا 2025-جىلدان كەيىن كومىر جاعۋعا تىيىم سالۋ ۇسىنىلدى
كەزدەسۋ بارىسىندا قالانىڭ ەكوبەلسەندىلەرى قىستا جەر ءۇي ماسسيۆتەرىنەن كەلەتىن ءتۇتىن قالانىڭ اۋاسىن لاستايتىنىن ايتىپ، وسى ماسەلەنى ءبىرجولا شەشۋ قاجەتتىگىن جەتكىزدى.
ەكولوگيالىق رەتتەۋ جانە باقىلاۋ كوميتەتىنىڭ ءتوراعاسى زۋلفۋحار جولداسوۆ بۇل ماسەلە قالاعا تولىعىمەن گاز تارتىلعان كەزدە شەشىلۋى كەرەكتىگىن اتاپ ءوتتى.
اتالعان شارۋا 2025-جىلعا دەيىن اياقتالادى دەگەن ەسەپ بار ەكەنىن ايتقان كوميتەت باسشىسى، اتالعان كەزەڭنەن كەيىن تۇرعىندارعا قاتتى وتىن جاعۋعا تىيىم سالۋ كوزدەلىپ وتىرعانىن ايتتى.
بۇل مالىمەتتى مينيستر دە قوستادى.
«2025-جىلعا دەيىن وسى قالا تولىعىمەن گازداندىرىلسا، ياعني، وسى ايماققا گاز كەلىپ تۇر ما، تەك گاز پايدالانۋ كەرەك دەگەن ۇسىنىسىمىز بار. كومىرگە تىيىم سالىپ، كادىمگىدەي «پايدالانۋعا بولمايدى» دەگەن ۇسىنىستى پىسىقتاپ جاتىرمىز. ءارى قاراي كورەمىز ەندى. ءبىرىنشى گازداندىرۋ شارۋاسىن ءبىتىرىپ الايىق، ودان كەيىن ءارى قاراي ناقتى ءبىر شارالار قولدانامىز»، - دەدى سەرىكقالي برەكەشيەۆ.
