2025 -جىلى دوللار 545 تەڭگەگە دەيىن بارۋى مۇمكىن قارجىگەرلەر قاۋىمداستىعى
استانا. KAZINFORM - قازاقستان قارجىگەرلەر قاۋىمداستىعى كەلەر جىلى تەڭگە باعامى قالاي قۇبىلاتىنى تۋرالى بولجامىن جاريا ەتتى.
- قازاقستان ءۇشىن 2025 -جىلى ەڭ ەلەۋلى سىن- قاتەر شيكىزات باعاسىنىڭ ءارى قاراي تۇسۋىنەن تۋىنداۋى مۇمكىن. بۇعان ا ق ش- تا تاقتاتاستان مۇناي ءوندىرۋ كولەمىنىڭ ارتۋى، وپەك+ ۇيىمىنىڭ قازىرگى باعاعا ىمىرالاستىق تانىتۋى (2025 -جىلدىڭ العاشقى توقسانىندا ءبىرقاتار شەكتەۋدىڭ مەرزىمى بىتەدى) سەبەپكەر بولماق. مۇنداي سەناري ەكونوميكالىق ءوسىم، ساۋدا بالانسى، اعىمداعى وپەراتسيالار شوتى، بيۋدجەت پەن ۇلتتىق قورعا تۇسەتىن كىرىستەر، ۇلتتىق ۆاليۋتا باعامى سياقتى نەگىزگى ماكروەكونوميكالىق كورسەتكىشتەرگە كەرى اسەر ەتۋى مۇمكىن. ونىڭ سالدارى ەكونوميكانىڭ ءارتاراپتانۋى جانە قازاقستاندىقتاردىڭ ءال- اۋقاتىن ارتتىرۋ قيىنداۋى مۇمكىن، - دەپ جازادى قاۋىمداستىق ساراپشىلارى.
سونداي- اق، ەلدىڭ جالپى ىشكى ءونىمىنىڭ كولەمى كەلەر جىلى 4,4 پايىز كولەمىندە ارتادى دەگەن بولجام ايتىلعان.
- ۇلتتىق ۆاليۋتانىڭ باعامى 2023 -جىلدىڭ قورىتىندىسىنداعى دەڭگەيگە قاراعاندا 12,7 پايىز باسەڭ دەڭگەيدە نىعايعاننان كەيىن 2024 -جىلدى 10 پايىزدان اساتىن قۇلدىراۋمەن اياقتاۋى مۇمكىن. وعان ىشكى نارىقتا شەتەلدىك ۆاليۋتاعا دەگەن سۇرانىس ۇسىنىستان الدەقايدا ارتۋى تۇرتكى بولادى. 2025 -جىلى USDKZT باعامى 545,2 تەڭگەگە دەيىن (قازىرگى مانىنەن 6 پايىز جوعارى) جەتۋى مۇمكىن. تەڭگەنىڭ باعامىنا شيكىزات باعاسىنىڭ تومەندىگى، وپەك+ كەلىسىمىنىڭ اياسىندا مۇناي ءوندىرۋ كولەمىنىڭ كەمۋى، قازاقستان شيكىزاتىن تۇتىناتىن قىتاي، ەۋرووداق سياقتى نەگىزگى سەرىكتەستەردىڭ ەكونوميكاسىنداعى ىركىلىستەر، كۇننەن- كۇنگە ءوسىپ جاتقان يمپورت قىسىم جاساۋى ىقتيمال. بۇل ينۆەستيتسيالىق جوبالاردىڭ جۇزەگە اسۋ قارقىنى، تەڭگە باعامىنىڭ ناشارلايتىنى تۋرالى بولجامدار، ايماقتاعى كۇردەلى گەوساياسي احۋال جانە ينۆەستورلاردىڭ جالپى سىن- قاتەرلەردەن ۇدەرە كەتۋى اسەر سەبەپكەر بولا الادى، - دەلىنگەن ساراپتامادا.
وسىعان دەيىن ەلدەگى دوللار مەن ەۋروعا باعامىنا قاتىستى مالىمەتتەردى جاريالادىق.
