2025 -جىلعى باسپانا باعاسىن دوللار باعامىنىڭ قۇبىلعانىن ەسكەرىپ بەلگىلەيمىز - ۆيتسە- مينيستر
استانا. KAZINFORM - ۇكىمەت وتىرىسىنان كەيىن وتكەن باسپا ءسوز ءماسليحاتىندا ونەركاسىپ جانە قۇرىلىس ۆيتسە- ءمينيسترى قۋاندىق قاجكەنوۆ دوللاردىڭ قازىرگى قىمباتتاۋى 2025 -جىلعى تۇرعىن ءۇي باعاسىنا قالاي اسەر ەتەتىنىن ايتتى.
- يتوپەكاسى بار ادامداردىڭ بانك الدىنداعى مىندەتتەمەلەرى سول كۇيى قالادى. دوللار باعامىنىڭ وسۋىنە بايلانىستى 2024 -جىل بويىنشا الەۋمەتتىك باسپانانىڭ ءبىر شارشى مەترى ءىرى پانەلدىك ءۇي قۇرىلىستارى ءۇشىن 300-350 مىڭ تەڭگە كولەمىندە بولىپ وتىر، - دەدى ول جۋرناليست سۇراعىنا بەرگەن جاۋابىندا.
ونىڭ ايتۋىنشا، 2025 -جىلعى باسپانا باعاسىنا دوللار باعامىنىڭ قازىرگى دەڭگەيى وزگەرىس ەنگىزۋى مۇمكىن.
- ال 2025 -جىلدىڭ باعاسىن قازىر باعانى قالىپتاستىرۋ ورتالىعىمەن بىرگە دوللار باعامىنىڭ ءوسۋىن ەسكەرە وتىرىپ ەسەپتەپ جاتىرمىز. يپوتەكاسى بارلار و باستا كەلىسىمشارتقا قول قويعان كەزدە العان مىندەتتەمەلەرى بويىنشا نەسيە تولەيدى. بۇل جەردە ەشقانداي جاڭاشىلدىق جوق، - دەدى قۋاندىق قاجكەنوۆ.
